បន្ទាយមានជ័យ ៖ បុរសម្នាក់ដើរចាប់កណ្តូប ស្រាប់តែប្រទះឃើញបុរសម្នាក់ដេកស្លាប់ នៅលើចិញ្ចើមផ្លូវជាតិលេខ៥៨ ស្ថិតក្នុងភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យនៅយប់ថ្ងៃទី២៣ ខែកក្កដា ២០១៨។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានប្រាប់អ្នកយកព័ត៌មានឲ្យដឹងថា សពជនរងគ្រោះមិនទាន់ស្គាល់អត្តសញ្ញាណនៅឡើយទេ។ លោកវរសេនីយ៍ត្រី នួន នីណារ៉ូ បានបញ្ជាក់ឲ្យដឹងទៀតថា បើតាមការនិយាយរបស់បុរសដែលបានប្រទះឃើញសពនេះថា ខ្លួនបានដើរចាប់កណ្តូបក៏បានប្រទះសពជនរងគ្រោះមានដេកកើយទង់ជាតិ ប៉ុន្តែមានតែមានតែខោខ្លី អត់ អាវ។
បើតាមមេភូមិព្រៃគប់ លោក ណង សុង បាននិយាយថា ជនរងគ្រោះមិនមែនជាសមាជិកក្នុងភូមិរបស់លោកឡើយប្រហែលអ្នកមកពីឆ្ងាយ សពក្រោយពីសមត្ថកិច្ចធ្វើការត្រួតពិនិត្យហើយបានធ្វើការសន្និដ្ឋានថាសពនេះប្រហែលស្លាប់ដោយខ្យល់ គ គ្មានជាប់ពាក់ព័ន្ធនិងអំពើឃាតកម្មនោះទេ សពត្រូវបានសមត្ថកិច្ចយកមកតម្កល់នៅវត្តរង់ចាំឲ្យសាច់ញាតិមកទទួលយកតែបើពុំឃើញសាច់ញាតិមកទទួលនោះទេសពត្រូវសមត្ថកិច្ចបូជាហើយព្រោះទុកយូរខ្លាចស្អុយ៕
Source: Kampuchea Thmey Daily
0 Comments