ភ្នំពេញ ៖ បុរសជនជាតិកូរ៉េវ័យចំណាស់ម្នាក់ ត្រូវបានគេប្រទះឃើញចង.កសម្លាប់ខ្លួនក្នុងផ្ទះជួលរបស់ខ្លួនស្ថិតក្នុងបុរីពិភពថ្មី ដោយសង្ស័យថា គាត់តូចចិត្តនឹងខ្លួនមានជំងឺប្រចាំកាយយូរឆ្នាំពេក ដែលគេប្រទះឃើញកាលពីវេលាម៉ោងប្រហែល០៩និង១០នាទីថ្ងៃទី២៨ខែកក្កដាឆ្នាំ២០១៨នៅផ្ទះលេខ១០ផ្លូវលេខ១៤ក្រុមទី៦ បូរីពិភពថ្មីភូមិត្រពាំងថ្លឹងសង្កាត់ចោមចៅ១ ខណ្ឌពោធិ៍សែនជ័យ។
សាកសពឈ្មោះKOR NA ភេទប្រុស អាយុ៦៥ឆ្នាំ ជនជាតិកូរ៉េ ស្នាក់នៅផ្ទះជួលកើតហេតុខាងលើ។ នេះបើតាមការបញ្ជាក់ពីឈ្មោះអ៊ុន សារឹម ភេទស្រី អាយុ២៩ឆ្នាំ ត្រូវជាប្រពន្ធមិត្តភ័ក្រជនរងគ្រោះ បានប្រាប់ថា ជនរងគ្រោះមានជំងឺទឹកនោមផ្អែមនិងលើសឈាមប្រហែល៥ឆ្នាំមកហើយ លុះដល់វេលាម៉ោងកើតហេតុ គាត់ទាំងពីរនាក់ប្ដីប្រពន្ធបានមកសួរសុខទុក ស្រាប់តែមកដល់ឃើញទ្វាផ្ទះបិទគាត់បានស្រែកហៅមិនឆ្លើយ គាត់បានមើលតាមកញ្ចក់ឃើញ ជនរងគ្រោះចង.កសម្លាប់ខ្លួននៅក្នុងផ្ទះស្លាប់បាត់ទៅហើយ បន្ទាប់មកខ្លួនបានរាយការណ៍ទៅសមត្ថកិច្ចភ្លាម។
តាមការពិនិត្យរបស់សមត្ថកិច្ចជំនាញបច្ចេកទេសនិងលោក វេជ្ជបណ្ឌិតនង សុវណ្ណារ័ត្ន ពិនិត្យឃើញថា ជនរងគ្រោះបានយកខ្សែនីឡុងចងជាប់ពីបង្អួចឡៅតឿទម្លាក់ខ្លួនមកក្រោមស្លាប់តែម្ដង។
ការសន្និដ្ឋានបញ្ជាក់ថា ជនរងគ្រោះពិតជាចង.កសម្លាប់ខ្លួន ប្រាកដមែនហើយសពត្រូវបានយកទៅតម្កល់នៅមន្ទីរពេទ្យរុស្ស៊ីរង់ចាំទំនាក់ទំនងទៅស្ថានទូត ដើម្បីដោះស្រាយតាមប្រពៃណីទំនៀមទម្លាប់របស់ជនជាតិគេ៕
Source: Kampuchea Thmey Daily
0 Comments