បន្ទាយមានជ័យ ៖ មានករណីគ្រោះថ្នាក់ចរាចរណ៍ដ៏គួរឲ្យសង្វេគមួយ បានកើតឡើងរវាងគោយន្តកន្ត្រៃបើកក្រឡាប់ដោយខ្លួនឯង បណ្តាលឲ្យមនុស្ស ស្លាប់ម្នាក់និងរបួសធ្ងន់ ៣នាក់នៅវេលាម៉ោង៣រសៀលនៅថ្ងៃទី២ ខែកក្កដា ឆ្នាំ២០១៨ លើផ្លូវជាតិលេខ៥៨ ត្រង់ចំណុចរង្វង់មូល បឹងត្រកួន ស្ថិតក្នុង ភូមិសាមគ្គី ឃុំគោករមៀត ស្រុកថ្មួពួក ខេត្តបន្ទាយមានជ័យ។
លោកវរសេនីយ៍ត្រី ដុំ វិចិត្ត មេបញ្ជាការមូលដ្ឋានកងរាជអាវុធហត្ថស្រុកថ្មពួកបានប្រាប់អ្នកយកព័ត៌មានឲ្យដឹងថា នៅមុនពេលកើតហេតុនោះគោយន្តកន្ត្រៃជិះមានគ្នា៤នាក់ ក្នុងល្បឿនលឿនលុះជិះមកដល់ចំណុចរង្វង់មូលបឹងត្រកួនស្រាប់តែ រេចង្កូតបត់មកត្រង់មិនបាន ក៏ក្រឡាប់ជាច្រើនត្រឡប់បណ្តាលឲ្យមនុស្សជិះនៅលើគោយន្តបោកទៅថ្នល់ជាតិស្លាប់ម្នាក់ និងរបួស៣នាក់ដែលជនរងគ្រោះមានឈ្មោះ ១មឿត សៀវ មិញ ភេទប្រុសអាយុ៣ឆ្នាំស្លាប់ អ្នករួមដំណើរ រស់នៅភូមិតាយឹង ឃុំគំរូ ស្រុកថ្មពួកខេត្តបន្ទាយមានជ័យ ២មានឈ្មោះ តារា អាយុ៣៧ឆ្នាំជាអ្នកបើក គោយន្ត របួសធ្ងន់រស់នៅភូមិថ្មពួក ស្រុកថ្មពួក ៣មានឈ្មោះ អឿន ភេទស្រី អាយុ៣៥ឆ្នាំ របួសធ្ងន់៤ អត់ស្គាល់ឈ្មោះ។
ក្រោយពីកើតហេតុហើយ ជនរងគ្រោះត្រូវបានសមត្ថកិច្ចដឹកបញ្ជូនទៅមន្ទីរពេទ្យមង្គលបូរី ដើម្បីសង្គ្រោះបន្ទាន់ ចំណែកសពរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណីនៅផ្ទះសព រីឯគោយន្តសមត្ថកិច្ចយកមករក្សទុកនៅអធិការដ្ឋាន ថ្មពួកដើម្បីប្រគល់ទៅឲ្យក្រុមគ្រួសារវិញ៕
Source: Kampuchea Thmey Daily
0 Comments