រតនគិរី ៖ ស្ត្រីម្នាក់ បានរងរបួសធ្ងន់ បន្ទាប់ពីប្ដីប្រពន្ធមួយគូ ទាញយកកាំបិតកាប់ជាច្រើនកាំបិត ក្រោយមានទំនាស់រឿងព្រំដីចម្ការ។
ករណីហិង្សាដោយចេតនាខាងលើនេះ បានកើតឡើងកាលពីវេលាម៉ោង៣រសៀលថ្ងៃទី២១ ខែកក្កដា ឆ្នាំ២០១៨ នៅចំណុចអូរខ្វេះ ស្ថិតនៅក្នុងភូមិ១ ឃុំត្រពាំងច្រេស ស្រុកកូនមុំ។
នគរបាលស្រុកកូនមុំបានឲ្យដឹងថា ជនរងគ្រោះឈ្មោះ ចាន់ ផល្លា ភេទស្រី អាយុ៤៧ឆ្នាំ ជនជាតិខ្មែរ មានទីលំនៅភូមិ២ ឃុំត្រពាំងច្រេស ស្រុកកូន (រងរបួសធ្ងន់កាប់ចំស្មា ជាច្រើនកន្លែង)។ ចំណែកប្ដីប្រពន្ធ ដែលសមត្ថកិច្ចឃាត់ខ្លួនប្តី ឈ្មោះ ហិន បូរិន អាយុ៤៣ឆ្នាំ ជនជាតិខ្មែរ ប្រពន្ធឈ្មោះ សាយ ផុន អាយុ៤១ឆ្នាំ អ្នកទាំងពីរនាក់រស់នៅភូមិ២ ឃុំត្រពាំងច្រេស ស្រុកកូនមុំ។
ក្រោយកើតហេតុជនរងគ្រោះ ត្រូវបានគេដឹកបញ្ជូនទៅសង្គ្រោះនៅមណ្ឌលសុខភាពស្រុកកូនមុំ។ ចំណែកជនបង្ក២នាក់ប្ដីប្រពន្ធ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកកូនមុំ ដើម្បីបំពេញសំណុំរឿងបញ្ជូនទៅតុលាការចាត់ការតាមនីតិវិធី៕
Source: Kampuchea Thmey Daily
0 Comments