បាត់ដំបង ៖ ស្ត្រីវ័យកណ្តាលម្នាក់ ដែលមានស្វាមី ព្រមទាំងមានកូនចំនួន ២ នាក់រួចទៅហើយនោះ ត្រូវបានស្វាមីតាមទាន់ទាំងយប់ ខណៈដែលស្ត្រីរូបនេះ កំពុងសម្ងំដេកជាមួយប្រុសក្មេងក្នុងតូបកាត់សក់ ក្រោយពីស្វាមីរូបនោះដាក់ការសង្ស័យទៅលើភរិយាខ្លួនជាយូរមកហើយ ប៉ុន្តែមិនទាន់មានភស្តុតាងដើម្បីចោទប្រកាន់។
បើយោងតាមការបង្ហោះនៅលើបណ្ដាញសង្គម របស់បុរសជាប្តី ឈ្មោះ អាំ ផល្លា អាយុ៣៣ឆ្នាំ រស់នៅភូមិកំប៉ូវ ឃុំភ្នំសំពៅ ស្រុកបាណន់ ខេត្តបាត់ដំបង បានរៀបរាប់ថា ខ្លួនហាក់រស់នៅមិនចុះសម្រុងជាមួយនឹងភរិយាទាល់តែសោះ គឺគេដូចជាមានអ្វីមួយលាក់បាំងនៅពីក្រោយខ្នង អស់រយៈពេលជាយូរមកហើយ ដោយសព្វថ្ងៃលោកមានកូនចំនួន ២ នាក់ហើយ គឺប្រុស១ ស្រី១។
នៅក្នុងការបង្ហោះនោះគេបានបន្តថា ដោយមានការសង្ស័យ ម្ចាស់អាខោន បានលួចតាមដានភរិយារបស់ខ្លួន ដែលមានឈ្មោះ សៀន ស៊ីណូ អាយុ៣០ឆ្នាំ នៅទីបំផុត គឺនៅវេលាម៉ោង ១០ និង ៣០ នាទីយប់ គេក៏បានតាមទាន់ភរិយារបស់ខ្លួនកំពុងដេកជាមួយប្រុសក្មេង នៅក្នុងតូបកាត់សក់ ដែលជាកន្លែងរកស៊ីប្រចាំថ្ងៃរបស់ប្រុសក្មេងនោះ ដែលគេនោះមានឈ្មោះ ទូច ប្រុស អាយុ ២៥ ឆ្នាំ រស់នៅភូមិក្តោង ឃុំភ្នំសំពៅ ស្រុកបាណន់។
មន្ត្រីប៉ុស្តិ៍នគរបាលរដ្ឋបាល ភ្នំសំពៅមួយរូប បានលើកឡើងថា នៅយប់នោះដែរ គឺបុរសជាប្តី បានថតរូបទុកជាភស្តុតាងផង ព្រមទាំងបាននាំជនទាំងពីរ ទៅកាន់ប៉ុស្តិ៍ផងដើម្បីអោយសមត្ថកិច្ចបានដឹងឮ និងធ្វើកំណត់ហេតុ នៃអំពើផិតក្បត់ គេមិនបានដឹងថា ការផិតទៅរសប្រុសក្មេងនេះតាំងពីពេលណាមកនោះទេ ព្រោះបុរសជាប្តីបានសង្ស័យជាយូរមកហើយ។
នៅព្រឹកថ្ងៃទី១៧ ខែសីហា ឆ្នាំ២០១៨ នេះ គេសង្កេតឃើញបុរសជាប្តី បានចូលទៅក្នុងសាលាឃុំ ដើម្បីសុំធ្វើលិខិតសុំលែងលះ ដោយសន្យាថា មិនប្តឹងអ្វីនោះទេ និងសុខចិត្តប្រគល់ភរិយារបស់ខ្លួន អោយទៅរួមរស់ជាមួយប្រុសក្មេងចុះ ចំណែកកូនទាំង២គេមិនទាន់ដឹងថា ត្រូវបែងចែកទៅខាងណានោះទេ៕
Source: Kampuchea Thmey Daily
0 Comments