ភាគហ៊ុន​អាស៊ី​ មាន​ភាព​តានតឹង ​ស្រប​ពេល​មានការ​ព្រួយបារម្ភ​ខាង​ពាណិជ្ជកម្ម

ភាគហ៊ុន​អាស៊ី​ បាន​រញ្ជួយ​នៅ​ថ្ងៃ​អង្គារ​ ខណៈដែល​ការ​ព្រួយបារម្ភ​អំពី​ជម្លោះ​ពាណិជ្ជកម្ម​រវាង​សហរដ្ឋអាមេរិក​ និង​ចិន ​បាន​នាំ​ឲ្យ​ផល​ចំណេញ​លើ ​Wall Street។

សន្ទស្សន៍​ហ៊ុន​ធំជាងគេ MSCI ក្នុង​តំបន់​អាស៊ី​ប៉ាស៊ីហ្វិក​នៅក្រៅ​ប្រទេស​ជប៉ុន .MIAPJ0000PUS បាន​កើនឡើង​០,០៥​ភាគរយ​។​

ស​ន្ទ​ស្សន៍​បាន​ធ្លាក់ចុះ​នៅពេល​មុន​និង​ព្យាយាម​ដើម្បី​ទទួលបាន​កម្លាំង​មកវិញ​ចំពេល​ដែលមាន​ការប្រែប្រួល​នៅក្នុង​ភាគហ៊ុន​ចិន​។ ស​ន្ទ​ស្សន៍​ហ៊ុន Shanghai Composite Index (SSEC) បាន​កើនឡើង​០,៦​ភាគរយ​នៅក្នុង​ការជួញដូរ​នៅ​ដំណាក់កាល​ដំបូង​បន្ទាប់ពី​ការធ្លាក់ចុះ​ក្នុង​រយៈពេល​៤​ថ្ងៃ​។​
​
ភាគហ៊ុន​អូស្ត្រាលី​បាន​ធ្លាក់ចុះ​០,២៥​ភាគរយ​, កូរ៉េខាងត្បូង KOSPI .KS11 បាន​កើនឡើង​០,២​ភាគរយ​និង Nikkei .N225 របស់​ជប៉ុន​បាន​កើនឡើង​០,២៥​ភាគរយ​។​
​
ស​ន្ទ​ស្សន៍​ភាគហ៊ុន​សំខាន់ៗ​របស់​សហរដ្ឋអាមេរិក​ចំនួន​៣​បាន​បិទ​កាលពី​ថ្ងៃ​ចន្ទ​ដោយសារ​កំនើន​ប្រាក់ចំណូល​ដ៏​រឹងមាំ​របស់​សហរដ្ឋអាមេរិក​ជាមួយនឹង​លទ្ធផល​ពី​ក្រុមហ៊ុន Berkshire Hathaway (BRKa.N) និង Facebook (FB.O) ។​
​
លោក Michael McCarthy ប្រធាន​យុទ្ធសាស្ត្រ​ទីផ្សារ​នៅ​ក្រុមហ៊ុន CMC Markets បាន​ឲ្យ​ដឹងថា “​ទីផ្សារ​សកល​កំពុងរ​ង​ការប៉ះទង្គិច​ដោយ​ជម្លោះ​នាពេល​បច្ចុប្បន្ន​។ ទោះបីជា​យ៉ាងណាក៏ដោយ សក្តានុពល​កើនឡើង​សម្រាប់​ជម្លោះ​ពាណិជ្ជកម្ម​ដើម្បី​ពន្យឺត​សេដ្ឋកិច្ច​សកល​កំពុង​រា​រាំង​ភាព​រីករាយ​របស់​វិនិយោគិន​”​។​
​
អ្នកវិភាគ​ខ្លះ​មើលឃើញថា ជម្លោះ​ពាណិជ្ជកម្ម​បានធ្វើ​ឲ្យ​ប្រាក់​ដុល្លារ​អាមេរិក​ទទួលបាន​ផលប្រយោជន៍​ដោយសារតែ​សេដ្ឋកិច្ច​របស់​ប្រទេស​នេះ​មាន​ភាពប្រសើរ​ជាង​មុន​ក្នុងការ​គ្រប់គ្រង​ការ​គាំពារ​និយម​ជាង​ទីផ្សារ​ដែល​កំពុង​រីកចម្រើន​ហើយ​ដោយសារតែ​ពន្ធ​អាច​កាត់បន្ថយ​ឱនភាព​ពាណិជ្ជកម្ម​រប​ស់​អាមេរិក​។​
​
ភាពទន់ខ្សោយ​នៅក្នុង​ក្រុមហ៊ុន​របស់ខ្លួន​ក៏បាន​ជួយ​ជំរុញ​ដល់​ប្រាក់​ដុល្លារ​ផងដែរ​។​

​លុយ​អឺរ៉ូ​បាន​ធ្លាក់ចុះ​ដល់​តម្លៃ​ទាប​បំផុត​ក្នុង​រយៈពេល​៥​សប្តាហ៍​ខណៈ​មានការ​ព្រួយបារម្ភ​ថា​ប្រទេស​អ៊ីតាលី​អាច​បង្កើន​ការចំណាយ​និង​ប្រកួតប្រជែង​ជាមួយ​បទបញ្ជា​កញ្ចប់​ថវិការ​បស់​សហភាព​អឺរ៉ុប​និង​ដោយសារ​ការធ្លាក់ចុះ​នៃ​ការបញ្ជាទិញ​ឧស្សាហកម្ម​អាល្លឺម៉ង់​នៅ​ខែមិថុនា​។
​
ប្រាក់​ផោន​ក៏​ធ្លាក់ចុះ​ផងដែរ​ចាប់ពី​ខែកញ្ញា​ឆ្នាំ​២០១៧​មក​បន្ទាប់ពី​ការលើកឡើង​របស់​មន្ត្រី​នានា​បាន​បង្កើន​ការភ័យខ្លាច​ថា អង់គ្លេស​នឹង​ចាក​ចេញពី​សហភាព​អឺរ៉ុប​ដោយ​មិនមាន​កិច្ចព្រមព្រៀង​ពាណិជ្ជកម្ម​មួយ​៕ REUTERS

​

Source: Kampuchea Thmey Daily