បន្ទាយមានជ័យ ៖ មានករណីគ្រោះថ្នាក់ចរាចរណ៍មួយ បានកើតឡើងរវាងរថយន្តMazda bt-50 pro ពីរបាំងដឹកពលករជាច្រើននាក់ និង អ្នកបើកជនជាតិថៃបានបើកទៅបុកដើមឈើពេញទំហឹងលាន់ដូចរន្ទះបណ្តាលឲ្យពលករខ្មែរ ដែលជិះក្នុងរថយន្ត៣នាក់រងរបួសធ្ងន់នៅកន្លែងកើតហេតុនិងតៃកុងជនជាតិថៃម្នាក់ស្លាប់ ក្រោយពីកើតហេតុហើយជនរងគ្រោះត្រូវតម្រួត ថៃ ដឹកយកទៅសង្គ្រោះបន្ទាន់នៅមន្ទីរពេទ្យបាងខ្លាវខេត្តឆាក់ឈើង នៅស្រុកថៃភ្លាមផងដែរ។
ហេតុការណ៍នេះ កើតឡើងនៅវេលាម៉ោង៨ព្រឹក ថ្ងៃទី២៧ខែសីហា ឆ្នាំ២០១៨ ត្រង់ចំណុចផ្លូវជាតិ៣០៤និងមហាសាខាម ស្ថិតនៅក្នុងភូមិ៥ ឃុំថាថងឡាំងវ ស្រុកបាងខ្លាវ ខេត្តឆាក់ឈើងសៅ។ សមត្ថកិច្ចថៃបានប្រាប់សមត្ថកិច្ចខ្មែរថា នៅមុនពេលកើតហេតុនោះ អ្នកបើកបរជនជាតិថៃ ពីរបាំង បានដឹកពលករខ្មែរជាច្រើននាក់ បើកក្នុងល្បឿនឡើងដូចហោះទំនងជាស្រវឹងលុះបើកមកដល់កន្លែងកើតហេតុនោះ ស្រាប់តែរេចង្កូតបើកទៅបុកដើមឈើនៅចិញ្ចើមផ្លូវពេញទំហឹងលាន់ដូចរន្ទះបណ្តាលឲ្យមានពលករខ្មែរ៣នាក់ ដែលជិះក្នុងរថយន្តរបួសធ្ងន់ ចំណែកអ្នកបើកជាជនជាតិ ថៃស្លាប់ភ្លាមនៅនឹងកន្លែង។
ក្រោយពីកើតហេតុហើយ សពត្រូវបានសមត្ថកិច្ចថៃប្រគល់ទៅឲ្យក្រុមគ្រួសារយកទៅធ្វើនៅផ្ទះជនរងគ្រោះ ចំណែករថយន្តខាងមុខកំពិតខ្ទេច មើលរូបរាងរថយន្តមិនយល់ត្រូវបាននគរបាលចរាចរណ៍ថៃ អូសយកទៅរក្សាទុកនៅអធិការដើម្បីដោះស្រាយទៅតាមផ្លូវច្បាប់នៅពេលក្រោយ៕
Source: Kampuchea Thmey Daily
0 Comments