ភ្នំពេញ ៖ កម្លាំងសមត្ថកិច្ចឆ្មក់ចូលផ្ទះមួយកន្លែង ដើម្បីឃាត់ខ្លួនជនសង្ស័យជនជាតិវៀតណាមម្នាក់រកឃើញនៅសារធាតុញៀនដោយខុសច្បាប់ ដកហូតថ្នាំញៀនចំនួន១០កញ្ចប់តូច។
ហេតុការណ៍នេះ បានធ្វើឡើងកាលពីវេលាម៉ោង៣នឹង០០នាទីទៀបភ្លឺថ្ងៃទីថ្ងៃទី២៨ខែសីហាឆ្នាំ២០១៨ ត្រង់ចំណុចផ្ទះគ្មានលេខសំណង់មិនរៀបរយ ខាងក្រោយប៉ុស្តិ៍ទួលសង្កែ១ក្រុម១៤ភូមិលផ្សារតូច សង្កាត់ទួលសង្កែ១ខណ្ឌឫស្សីកែវ។
ក្នុងកិច្ចប្រតិបត្តិការនេះ កម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួនម្នាក់មានឈ្មោះ ទន់ ហ៊ីវ ភេទប្រុស អាយុ២២ឆ្នាំ ជនជាតិវៀតណាម មានមានមុខរបរមិនពិតប្រាកដមានទីលំនៅ ភូមិផ្សារតូច ក្រុម១៤សង្កាត់ទួលសងែ្ក១ ខណ្ឌឫស្សីកែវ។
វត្ថុតាងដកហូតមានម្សៅក្រាមពណ៌សថ្លាចំនួន១០កញ្ចក់តូច។ បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅតុលាការចាត់ការបន្ត៕
Source: Kampuchea Thmey Daily
0 Comments