ព្រះវិហារ ៖ ភូមិចំនួន២ ក្នុងឃុំរៀបរយ ស្រុករវៀង ខេត្តព្រះវិហារ ត្រូវបានវាយប្រហារ ដោយជំនន់ទឹកភ្លៀង ហើយអាជ្ញាធរ និងសមត្ថកិច្ចពាក់ព័ន្ធ កំពុងជួយសង្គ្រោះ និងបញ្ជូនប្រជាពលរដ្ឋ ទៅរកទីទួលសុវត្ថិភាពផងដែរ នៅព្រឹកថ្ងៃទី៨ ខែសីហា ឆ្នាំ២០១៨នេះ។
មន្ត្រីរដ្ឋបាលខេត្តព្រះវិហារបានអោយដឹងថា សម្រាប់ខេត្តព្រះវិហារនាព្រឹកថ្ងៃទី៨ ខែសីហា ឆ្នាំ២០១៨នេះ ទឹកជំនន់ទឹកភ្លៀងកំពុងវាយប្រហារ ភូមិបង្កន និងភូមិស្រែ ក្នុងឃុំរៀបរយ ស្រុករវៀង ខេត្តព្រះវិហារ ហើយពេលនេះអាជ្ញាធរ និងសមត្ថកិច្ចពាក់ព័ន្ធ កំពុងជួយសង្គ្រោះប្រជាពលរដ្ឋ ដោយបញ្ជូនទៅរកទីទួលសុវត្ថិភាព។
មន្ត្រីដដែលបានបញ្ជាក់ថា ទឹកអូរដែលបណ្តាលឲ្យជន់លិចភូមិប្រជាពលរដ្ឋនេះ គឺបណ្តាលមកពីទឹកភ្លៀង មិនមែនបណ្តាលមកពីទឹកស្ទឹងសែននោះទេ ដូច្នេះបើសិនជាមិនមានភ្លៀងធ្លាក់ខ្លាំង ក៏ទឹកអូរមិនឡើងជន់លិចភូមិប្រជាពលរដ្ឋបែបនេះដែរ៕
Source: Kampuchea Thmey Daily
0 Comments