Huawei លក់បាន១០០លានគ្រឿងបំបែកកំណត់ត្រាថ្មីគិតត្រឹមជាងពាក់កណ្តាលឆ្នាំ២០១៨នេះ

ភ្នំពេញ ៖ “គិតមកត្រឹមថ្ងៃ 18 ខែកក្កដាឆ្នាំ 2018 ក្រុមហ៊ុនHuawei បានលក់ស្មាតហ្វូនចំនួន 100 លានគ្រឿងដែលជាតួលេខបំបែកកំណត់ត្រាថ្មី ហ៊ូរវ័យបានទទួលជោគជ័យ ដោយវ៉ាដាច់ក្រុមហ៊ុន អេផល ជាដំបូង ក្នុងកំឡុងពេល 7 ឆ្នាំតាំងពីក្រុមហ៊ុនចាប់ផ្តើមអាជីវកម្មទូរសព្ទ័”។

លោក Henry Hsiao (ហេនរី សាវ)អគ្គនាយកគ្រប់គ្រងថ្មីនៃសាជីវកម្មផ្នែកទូរស័ព្ទ នៅកម្ពុជាបានបានគូសបញ្ជាក់ឲ្យដឹងនៅពិធីសម្ពោធ Huawei Nova3i/ Nova3 ស្មាតកាមេរ៉ា AI បួនគ្រាប់ ដោយមានការចូលរួមពីតារាល្បីៗនិង ម្ចាស់ហាងទូរស័ព្ទ អ្នកចែកចាយប្រមាណ 800 នាក់ ក្នុងរាត្រី Dealer VIP Nightនៅសណ្ឋាគារសុខាភ្នំពេញ។ លោកបានបន្ថែមថា Huawei Nova 3i/ Nova 3 គឺជាតារាកំពុងរះ ពណ៌ឆើតឆាយ ឡូយឆាយ ទាន់សម័យ លេងខ្លួន ទទួលបានការពេញនិយមនិងលក់ដាច់បំផុតមិនដែលធ្លាប់មាន ក្នុងបណ្តាប្រទេស ហ្វីលីពិន ម៉ាឡេស៊ី វៀតណាម ថៃ ជាមួយនឹងតួរលេខដ៏ច្រើនសម្បើមមិនដែលធ្លាប់មាន។

Huawei nova 3 មានបំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 24M + 16MP ថតបែបអាជីព ធ្វើឲ្យកម្រិតរូបភាពដិតច្បាស់ល្អ ច្រើនជម្រើសដូចជាជំនួយឲ្យសភ្លឺច្បាស់ស្អាតបែបធម្មជាតិ ថតរូបបែប bokeh effect មានផ្ទៃក្រោយព្រាលបែបស្រទន់ត្រជាក់ភ្នែក។ រីឯមុខងារ HDR Pro ធ្វើឲ្យមានតុល្យភាពពន្លឺ រូបភាពច្បាស់គ្រប់ចំណុច មិនថាស្ថានភាពចាំងខ្លាំង កម្រិត Aperture F1.8 បច្ចេកវិទ្យា AI សម្គាល់ប្លង់រូបភាពដោយស្វ័យប្រវត្តិ ទាំងក្រោយនិងមុខ ជួយការថតសែលហ្វីស្អាតដូចតារានិងលេចធ្លោ។

Huawei nova 3i មានបំពាក់កាមេរ៉ាមុខពីរគ្រាប់ទំហំ 24M + 2MP និងកាមេរ៉ាភ្លោះខាងក្រោយទំហំ 16M + 2MP ជាមួយការឌីហ្សាញរាងរៅដ៏ប្រណីត ប្រើកញ្ចក់ស្រោបទាំងមុខ និងក្រោយប្រដេញពណ៌ភ្លឺចែងចាំង លម្អដោយគែមអាលុយមីញ៉ូម បំពាក់នូវអេក្រង់ឆកធំ ទំហំ ៦,៣ អ៊ីញ កម្រិត Full HD+ ផ្ដល់នូវបទពិសោធន៍ទស្សនាភាពយន្តនិងលេងហ្គេមម៉ាពេញចិត្ត ក៏ដូចជាឆ្លើយតបនឹងតម្រូវការបទពិសោធន៍លេងហ្គេមដ៏រលូន Huawei បានដាក់ឲ្យប្រើនូវ GPU Turbo ជួយបង្កើនដំណើរការក្រាហ្វិកឥតទាស់ចិត្ត នាំមកនូវបទពិសោធន៍រំជើបរំជួលសម្រាប់យុវវ័យ។

Huawei nova 3 បំពាក់ដោយ chip Kirin 970, GPU Mali-G72 PM12, CPU 8 Core 4 រត់នៅល្បឿន 2.4 និង 1.8 ហើយមាន RAM 6GB, ROM 128 GB រីឯ nova 3i បំពាក់ chip Kirin 710 កម្លាំងថ្មវិញក៏មិនណយដែរ គឺ 3750 mAh សម្រាប់ nova 3 ហើយមាន Fast Charge សាកថ្មលឿនទាន់ចិត្ត Type C និង 3340 mAh សម្រាប់ nova 3i ថែមទាំងប្រព័ន្ធសុវត្ថិភាពមានស្គេនម្រាមដៃ និងដោះសោដោយប្រើមុខបានគ្រប់មុំ (3D)។

ចំណែកលាក ថង សារី នាយកផ្នែកចែកចាយ បានបញ្ជាក់ និងបង្ហាញពីយុទ្ធសាស្ត្រទីផ្សារថា៖ «សព្វថ្ងៃនេះ ស្មាតហ្វូន Huawei មានប្រជាប្រិយភាពខ្ពស់ ទទួលបានចំណែកទីផ្សារលេខ ២ និងទទួលបានការគាំទ្រពីដៃគូពាណិជ្ជកម្ម តារាល្បីៗ ក៏ដូចជាមហាជននៅកម្ពុជា ជាមួយហាងចំនួនជាង ១៥០០ កន្លែង គ្របដណ្ដប់ ២៥ ខេត្ត-ក្រុង ទូទាំងប្រទេសតែម្ដង។ យើងមានក្ដីប្រាថ្នាមោះមុតចំពោះប្រជាជនកម្ពុជា ឲ្យទទួលបានបទពិសោធន៍បច្ចេកវិទ្យាថ្មីពី Huawei nova3/3i ដោយប្រើប្រាស់វាបំពេញតម្រូវការយ៉ាងឆ្លាតវៃ។ យើងជឿជាក់ថា Huawei nova3/3i ជាមួយកាមេរ៉ា 24MP, 4 AI Camera និង128 GB ROM នឹងនាំមកនូវបទពិសោធល្អឥតខ្ចោះដល់អ្នកប្រើប្រាស់ស្មាតហ្វូននៅកម្ពុជា»។

អតិថិជនអាចកុម្ម៉ង់ទុកជាមុន ជាមួយនឹង Huawei nova 3 តម្លៃ 469 ដុល្លារ និង nova 3i តម្លៃជាង 329 ដុល្លារ នឹងទទួលបាន Bluetooth Speaker ដ៏កាលីប Original ហើយថែមស៊ីមស្មាត ជាមួយកញ្ចប់សេវាកម្មធំហ្មង 12សប្ដាហ៍ និង 16 សប្ដាហ៍។តោះ! ទស្សនាវីដេអូលម្អិតស្ដីពីលក្ខណៈពិសេស Huawei nova3/3i និងវីដេអូពីការកុម្ម៉ង់ទុកជាមុនhttps://www.youtube.com/watch?v=Ydg6W91Z6uE
https://www.youtube.com/watch?v=3beMEaiCPiY៕