តារាសិល្បៈល្បីៗបង្ហាញវត្តមានចូលរួមអបអរពិធីសម្ពោធផលិតផលម៉ាកMCរបស់ក្រុមហ៊ុន ហ៊ួត ជា

ភ្នំពេញ ៖ នាឱកាសនៃពិធីបើកសម្ពោធផ្លូវការផលិតផលម៉ាកMCរបស់ក្រុម ហ៊ួត ជា កាលពីព្រឹកថ្ងៃទី១៨ ខែសីហា ឆ្នាំ២០១៨នេះ ក្រៅតែការផ្តល់កិត្តិយសអញ្ជើញចូលរួមពីសំណាក់អតិថិជនគាំទ្រនិងភ្ញៀវកិត្តិយសជាច្រើននោះ គេក៏កត់សម្គាល់ឃើញមានវត្តមានរបស់តារាសិល្បៈល្បីៗមួយចំនួនក៏បានអញ្ជើញចូលរួមអបអរពិធីនេះឲ្យកាន់តែមានបរិយាកាសអធិកអធមផងដែរ។

ទន្ទឹមគ្នានេះលោក ហ៊ួត ជា អគ្គនាយកក្រុមហ៊ុន ហ៊ួត ជា ខូអិលធីឌីបានថ្លែងឲ្យដឹងនៅក្នុងពិធីបើកសម្ពោធផ្លូវការផលិតផលម៉ាកMCនាសណ្ឋាគារRaffles Hotel Le Royal ថា ដោយមើលឃើញពីការកើនឡើងនូវតម្រូវការសាងសង់ទើបក្រុមហ៊ុនរបស់យើងបានសិក្សាស្រាវជ្រាវនិងស្វែងរកផលិតផលសំណងជាច្រើនមុខ រហូតចុងក្រោយសម្រេចជ្រើសយកផលិតផលម៉ាកMCដែលជាផលិតផលមានគុណភាពមកពីប្រទេសម៉ាឡេស៊ីមកចែកចាយផ្តាច់មុខនៅកម្ពុជា។

អគ្គនាយកក្រុមហ៊ុនលោក ហ៊ួត ជា បានបន្តថា ក្រុមការងាររបស់យើងបានធ្វើតេស្តសាកល្បងយ៉ាងយកចិត្តទុកដាក់ និងពេញចិត្តលើគុណភាពរបស់ម៉ាកសញ្ញាថ្មីនេះ។ ដូច្នេះក្រុមហ៊ុនសង្ឃឹម និងជឿជាក់ថា អតិថិជន នឹងស្រឡាញ់ពេញចិត្តដូចយើងដែរ។ ការនាំយកផលិតផលថ្មីប្រកបដោយគុណភាព និងភាពសម្បូរបែបជាអ្វីដែលក្រុមហ៊ុនបាននិងកំពុងធ្វើដើម្បីផ្តល់ភាពងាយស្រួលដល់អតិថិជនបន្ថែមទៀត។

លោក ហ៊ួត ជា បានបញ្ជាក់ទៀតថា ក្បឿងសេរ៉ាមិចម៉ាក MC ត្រូវបានទទួលស្គាល់គុណភាព និងការទុកចិត្តពីប្រទេសម៉ាឡេស៊ី។ មិនតែប៉ុណ្ណោះយើងបាននាំយកជម្រើសតម្លៃជាច្រើនលើម៉ាកផលិតផលនេះដើម្បីឲ្យគ្រប់អតិថិជនអាចជាវយកទៅប្រើប្រាស់តាមតម្រូវការ និងលទ្ធភាពរបស់ពួកគាត់។ ក្បឿងសេរ៉ាមិច MC ដែលនាំចូល និងចែកចាយដោយក្រុមហ៊ុនត្រូវបានបែងចែកជា៤ ប្រភេទដូចជា៖ MC Elite, MC Easy, MC Classic និងMC ធម្មតា សម្រាប់ជ្រើសរើសតាមការស្រលាញ់ និងថវិការបស់អតិថិជន។

ចំណែកឯផលិតផលផ្សេងទៀតក្រោមម៉ាកសញ្ញាដដែលរាប់បញ្ចូលទាំងបង្គន់ ស៊ិញលាងដៃ ទ្វារជាដើមនោះ ក៏នឹងផ្តល់ជម្រើសដ៏ល្អសម្រាប់អតិថិជនដូចគ្នា។ ក្រុមហ៊ុន ហ៊ួត ជា ដែលបច្ចុប្បន្នមានសាខាសរុប២៣ កន្លែង គ្រោងនឹងពង្រីកខ្លួនឲ្យបានទៅដល់គ្រប់២៥ រាជធានី-ខេត្តនៅទូទាំងប្រទេសកម្ពុជានាពេលដ៏ខ្លីខាងមុខជាមួយផលិតផលសំណង់ និងលំនៅឋានដ៏សម្បូរបែប៕