ភ្នំពេញ ៖ នៅវេលាម៉ោង១០និង១០នាទីព្រឹក ថ្ងៃទី០៧ ខែកញ្ញា ឆ្នាំ២០១៨នេះ ថ្នាក់ដឹកនាំ គ.ជ.ប ដឹកនាំដោយលោក ស៊ិកប៊ុនហុក ប្រធានគណៈកម្មាធិការ ជាតិរៀបចំការបោះឆ្នោត បានជួបពិភាក្សាការងារជាមួយគណៈប្រតិភូសមាគមស្ថានឧត្តមសិក្សាកម្ពុជា ដែលបានចូលរួមសង្កេតការណ៍បោះឆ្នោតជ្រើសតាំងតំណាងរាស្ត្រនីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨ ដឹកនាំដោយលោកបណ្ឌិត ហេង វ៉ាន់ដា ដែលជំនួបនេះ ធ្វើឡើងនៅការិយាល័យកណ្ដាល គ.ជ.ប ស្ថិតនៅសង្កាត់ទន្លេបាសាក់ ខណ្ឌចំការមន។
ជំនួបនេះ ធ្វើឡើងក្នុងគោលបំណងពិនិត្យលើរបាយការណ៍ស្ដីពី សកម្មភាពសង្កេតការណ៍បោះឆ្នោតជ្រើសតាំងតំណាងរាស្ត្រនីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨ របស់សមាគមស្ថានឧត្តមសិក្សាកម្ពុជា ដែលបានបំពេញភារកិច្ចសង្កេតការណ៍ ចាប់ពីថ្ងៃទី០៨ ខែមិថុនា ដល់១៥ ខែសីហា ឆ្នាំ២០១៨៕
Source: Kampuchea Thmey Daily
0 Comments