ភ្នំពេញ ៖ បុរស២នាក់ ត្រូវបានប៉ូលិសខណ្ឌសែនសុខចាប់ខ្លួនចោទពីបទសង្ស័យថា ជាប់ពាក់ព័ន្ធជួញដូរថ្នាំញៀន ក្រោយពីបានឆែកឆេរពួកគេរកឃើញនូវថ្នាំញៀនចំនួន៥កញ្ចប់តូចៗកាលពីម៉ោង០០និង១៥នាទីរំលងអធ្រាត្រ ឈានចូលថ្ងៃទី០៥ ខែកញ្ញា ឆ្នាំ២០១៨ នៅតាមផ្លូវលេខ១៩៨៦នៅភូមិភ្នំពេញថ្មី សង្កាត់ភ្នំពេញថ្មី។
ក្រុមជនសង្ស័យខាងលើ១. ឈ្មោះ រ៉េត ធី អាយុ១៨ឆ្នាំ គ្មានមុខរបរ មានទីលំនៅភូមិស្រះពោធិ ឃុំផ្សារដែក ស្រុកពញ្ញាឮ ខេត្តកណ្តាល។ ២.ឈ្មោះ សឿន ស្រស់ អាយុ២៥ឆ្នាំ មានទីលំនៅភូមិស្រះពោធិ ស្រុកពញាឮ ខេត្តកណ្តាល។
សមត្ថកិច្ចបានឲ្យដឹងថា ជនសង្ស័យខាងលើត្រូវបានចាប់ខ្លួន កាលពីវេលាម៉ោងសូន្យនិង១៥នាទីរំលងអធ្រាត្រឈានចូល ថ្ងៃទី៥ ខែកញ្ញា ឆ្នាំ២០១៨នេះ នៅតាមបណ្តោយលេខ១៩៨៦ សមត្ថកិច្ចកំពុងយាមល្បាតក្នុងមូលដ្ឋានបានប្រទះឃើញពួកគេកំពុងជិះម៉ូតូ១គ្រឿង ម៉ាកហុងដាឌ្រីម ស៊េរីឆ្នាំ២០១៦ ពាក់ស្លាកលេខភ្នំពេញ FY-0907 ឌុបគ្នា គួរឲ្យសង្ស័យក៏បានសុំឃាត់ត្រួតពិនិត្យឆែកឆេរពួកគេរកឃើញថ្នាំញៀនចំនួន៥កញ្ចប់តូច នៅក្នុងដៃខាងស្តាំរបស់ឈ្មោះ រ៉េត ធី ទើបឃាត់ខ្លួនពួកគេទាំង២នាក់តែម្តង យកមកប៉ុស្តិ៍សាកសួរស្រាវជ្រាវ។
ប៉ូលិសបានបញ្ជាក់ថា ក្នុងចំណោមពួកគេទាំង២នាក់មានម្នាក់មានផ្ទុកនូវសារធាតុញៀននៅក្នុងល្បាយទឹកនោម (ឈ្មោះ រ៉េត ធី) ពួកគេត្រូវបានចោទប្រកាន់ពីបទ ជួញដូរនិងប្រើប្រាស់ថ្នាំញៀន។
ប៉ូលិសបានឃុំខ្លួនពួកគេជាបណ្តោះអាសន្ន នៅក្នុងបរិវេណអធិការដ្ឋាននគរបាលខណ្ឌសែនសុខ ដើម្បីធ្វើការស្រាវជ្រាវបន្តមុនបញ្ជូនទៅតុលាការ៕
Source: Kampuchea Thmey Daily
0 Comments