ភ្នំពេញ ៖ មន្ត្រីកាំកុងត្រូល សហការជាមួយ អ្នកពាក់ព័ន្ធបាន ចុះត្រួតពិនិត្យទំនិញនៅផ្សារ ទួលទំពូង និងយក ទិញគំរូចំនួន៣៤គំរូ យក ទៅរកឃើញ មើមឆៃថាវ មានសំណល់ថ្នាំសម្លាប់សត្វល្អិត ការពារកុំឲ្យខូច ទម្ងន់ ៣.៥ គីឡូក្រាម ត្រូវបានដកហូត កម្ទេចចោលនៅនឹងកន្លែង។
ការចុះពិនិត្យនេះ បានធ្វើឡើងកាលពី នៅថ្ងៃសុក្រ ១២ រោច ខែស្រាពរណ៍ ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី០៧ ខែ កញ្ញា ឆ្នាំ២០១៨ ដឹកនាំដោយ មន្ត្រីកាំកុងត្រូលសាខាផែស្ងួតចុងទីភ្នំពេញ និងសាខាកាំកុងត្រូលរាជធានីភ្នំពេញ បានសហការជាមួយមន្ត្រីមន្ទីរពាណិជ្ជកម្មភ្នំពេញ និងគណៈកម្មការផ្សារទួលទំពូង ខណ្ឌចំការមន ចុះត្រួតពិនិត្យទំនិញនៅផ្សារ ទួលទំពូង និងតាមតូបលក់ទំនិញ មួយចំនួនដើម្បីស្រាវជ្រាវទប់ស្កាត់នូវទំនិញខូចគុណភាព។
មន្ត្រីកាំកុងត្រូល បានឲ្យដឹងថា ក្រោយពីចុះពិនិត្យ មន្ត្រីជំនាញ បានទិញគំរូចំនួន៣៤គំរូ បញ្ជូនមករថយន្តមន្ទីរពិសោធន៍ចល័តដើម្បីរកសារធាតុគីមីហាមឃាត់ដូចជា បន្លែ ស្រស់ គ្រឿងសមុទ្រ ផ្លែឈើ គុយទាវ មីស្រស់ប្រហុក ផ្អក ជ្រក់ ត្រីងៀត ត្រីប្រាសំយ៉ុង។ ជាលទ្ធផល យើងបានរកឃើញសំណល់ថ្នាំសម្លាប់សត្វល្អិតនៅក្នុង មើមឆៃថាវត្រូវបានដកហូតទម្ងន់ ៣.៥ គីឡូក្រាម កម្ទេចចោលនៅនឹងកន្លែង និងធ្វើការណែនាំដល់អាជីវករ និងអ្នកប្រើប្រាស់ ស្តីពីសុវត្ថិភាពចំណីអាហារ៕
Source: Kampuchea Thmey Daily
0 Comments