បន្ទាយមានជ័យ ៖ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តតូចបើកទៅបុករថយន្តធំក្នុងទិសដៅផ្ទុយគ្នានៅ វេលាម៉ោង៦ព្រឹក ថ្ងៃទី៦ខែកញ្ញា ឆ្នាំ២០១៨ ក្នុងទីប្រជុំជន លើផ្លូវជាតិលេខ៥ ត្រង់ចំណុចខាងកើតផ្លូវចូលភូមិអញ្ចាញ ប្រហែល ១០០ម៉ែត្រ ស្ថិតក្នុង ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ទោ សួន នីប៉ូ នាយរងការិយាល័យ ចរាចរណ៍ជើងគោកបានឲ្យដឹងថាអ្នកបើករថយន្តតូចឈ្មោះ សឹម សុភ័ណ្ឌណារិទ្ធិ ភេទប្រុស អាយុ២៥ឆ្នាំ ភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ អ្នករួមដំណើរ៣នាក់១.ឈ្មោះ ស៊ុត ប៊ុនធឿន ភេទប្រុសអាយុ២៩ឆ្នាំ ភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ២ឈ្មោះ នួន រិទ្ធី ភេទប្រុស អាយុ២៥ ភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ៣ឈ្មោះស្រី ភេទស្រីអាយុ១៨ អាសយដ្ឋានក្តាប់មិនទាន់បានទាំងអ្នកបើកបរនិងអ្នករួមទាំងដំណើររបួសធ្ងន់ទាំង៤នាក់ ក្នុងនោះស្រីម្នាក់។
ចំណែកអ្នកបើករថយន្តធំ ឈ្មោះប៉ោ សុផុន អាយុ៣៨ឆ្នាំ នៅភូមិសន្សំកុសល១ សង្កាត់បឹងទំពុន ខណ្ឌមានជ័យ រាជធានីភ្នំពេញ។ លោកនាយរងការិយាល័យ បានបញ្ជាក់ថា នៅមុនពេលកើតហេតុរថយន្តតូចម៉ាកវីហ្គោ ពណ៌ខ្មៅគ្មានស្លាកលេខ បានបើកពីទិសខាងលិចទៅកើត ចំណែករថយន្តធំ ដឹកទំនិញធុនធ្ងន់ បានបើកពីកើតទៅលិច ដល់ចំណុចកើតហេតុ សង្ស័យអ្នកបើករថយន្តតូចងងុយដេក បានរេចង្កូតទៅបុកនឹងរថយន្តធំ ពេញទំហឹងបណ្តាលឲ្យរថយន្តទាំង២គ្រឿងធ្លាក់ពីលើផ្លូវជាតិ និងអ្នកបើក ទាំងរួមដំណើររងរបួសធ្ងន់ ត្រូវបានបញ្ជូនទៅកាន់មន្ទីរពេទ្យមិត្តភាព កម្ពុជា ជប៉ុន ខេត្តបន្ទាយមានជ័យដើម្បីសង្គ្រោះបន្ទាន់ភ្លាមៗផងដែរ។
ចំណែករថយន្តតូចខូចធ្ងន់មួយកំណាត់មុខ ចំពោះរថយន្តធំខូចស្រាល។ ក្រោយពីកើតហេតុរួចរថយន្តទាំង២គ្រឿង នគរបាលចរាចរណ៍យកមករក្សាទុកនៅ ការិយាល័យ ចរាចរណ៍ រង់ចាំធ្វើការដោះស្រាយនៅពេលក្រោយ៕
Source: Kampuchea Thmey Daily
0 Comments