ក្រុមហ៊ុន​Jaguar Land Rover​នឹង​ចូល​រួម​ដាក់តាំង​បង្ហាញ​រថយន្ត​ទំនើបៗ​ចុងក្រោយ​ក្នុង​ពិព័រណ៍​អាពាហ៍ពិពាហ៍​ នៅ​កោះ​ពេជ្រ

ភ្នំពេញ​ ៖​ ក្រុមហ៊ុន Jaguar Land Rover​សហការ​ជាមួយ​សំអាងការ នួន ស្រី​នឹងចូលរួម​ដាក់​តាំង​បង្ហាញរ​ថយន្ត​ទំនើបៗ​ចុងក្រោយ​ នៅក្នុង​ពិព័រណ៍​អាពាហ៍ពិពាហ៍​នា​ថ្ងៃទី​២២-២៣ ខែកញ្ញា ឆ្នាំ២០១៨ ​នៅ​មជ្ឈមណ្ឌល​កោះ​ពេជ្រ​។

លោក Ulf Sebecke ដែល​ជា​នាយក​គ្រប់គ្រង​ទូរ​ទៅ​របស់​ក្រុមហ៊ុន Jaguar Land Rover ប្រចាំ​ព្រះរាជាណាចក្រ​កម្ពុជា​បាន​មានប្រសាសន៍ថា​ ការដែល​ក្រុមហ៊ុន​ចាប់ដៃ​គូរ​សហការ​ជាមួយ​សំអាងការ នួន ស្រី​នេះ ​គឺ​ដើម្បី​ចូលរួម​ចំណែក​ក្នុងការ​លើកកម្ពស់​សិទ្ធ​ស្ត្រី​ក្នុង​វិស័យ​ច្នៃប្រឌិត​ក៏ដូចជា​លើកតម្កើង​នៃ​អរិយ​ធ​ម៌​ខ្មែរ ​ឲ្យ​កាន់តែ​ផូរផង់​ថែមទៀត​ ព្រោះថា​ កម្ពុជា​គឺជា​ប្រទេស​ដែល​ធ្វើ​ឲ្យ​លោក​មាន​អារម្មណ៍​រំភើប​ក្នុង​អាជីព​បំពេញ​ការងារ​ដែល​បាន​ធ្វើ​ឲ្យ​ក្រុម​ហ៊ុម​ឈរ​នៅ​លំដាប់ថ្នាក់​លេខ​១​ក្នុង​ការ​ប្រឹក្សា​ផ្នែក​សេវាកម្ម​ក្នុងចំណោម​១១២​ប្រទេស​នឹង​លំដាប់ថ្នាក់​លេខ​២​ផ្នែក​ផ្គត់ផ្គង់​លើ​រថយន្ត​ក្នុងចំណោម​៧​ប្រទេស​។

លោក​បាន​បន្ត​ថា ​ការ​ទស្សនា​ការ​តាំង​បង្ហាញ​រថយន្ត​នេះ​ក៏មាន​រួមបញ្ចូល​ជាមួយ​ការ​បង្ហាញ​ម៉ូត​សំលៀកបំពាក់​បែប​ប្រពៃណី​ស្អាតៗ​ផង​ដែរ​ហើយ​មិនតែប៉ុណ្ណោះ​ អ្នកចូលរួម​ក៏​អាច​ធ្វើ​ការ​បើកបរ​សាក​ល្បង​ដោយ​សេរី​ជាមួយ​ឱកាស​ឈ្នះ​នូវ​ការប្រើប្រាស់​រថយន្ត​សម្រាប់​ថតរូប​មុន​អាពាហ៍ពិពាហ៍ ឬ​ ក្នុង​ថ្ងៃ​អាពាហ៍ពិពាហ៍​ថែមទៀត​ផង។



ពាក់ព័ន្ធ​នឹង Jaguar Land Rover​វិញ លោក Alistair Scott ជា​អគ្គនាយក​ផ្នែក​លក់​របស់​ក្រុមហ៊ុន Jaguar Land Rover ប្រចាំ​តំបន់​អាស៊ីអាគ្នេយ៍​បាន​បង្ហាញ​ពី​ភាព​រីកចម្រើន​នឹង​កោត​សរសើរ​ខ្ពស់​ពី​ការ​ខិតខំ​ប្រឹងប្រែង​រប​ស់​ថ្នាក់ដឹកនាំ​នឹង​បុគ្គល​គ្រប់​ជាន់ថ្នាក់​ទាំងអស់​របស់​ក្រុមហ៊ុន Jaguar Land Rover កម្ពុជា។

លោក​បាន​គូស​បញ្ជាក់​ថា ​ការ​ជ្រើសរើស​ទិញ​រថយន្ត Jaguar Land Rover តាមរយៈ​ក្រុមហ៊ុន​គឺជា​ជំរើស​ដ៏​ត្រឹមត្រូវ​បំផុត​សំរាប់​សុវត្ថិភាព​នឹង​ទំនុកចិត្ត​ទាំង​រថយន្ត​ថ្មី​នឹង​មួយ​ទឹក​ដែល​មាន​ការធានា​ត្រឹមត្រូវ​ពី​រោងចក្រ​ផ្ទាល់​។ ​កន្លងទៅ​ថ្មីៗ​នេះ​ក្រុមហ៊ុន​ទើបតែ​ប្រារព្ធ​ពិធី​ប្រគល់​រថយន្ត​ថ្មី​ប្រណិត​ម៉ាក​Jaguar XJL 2​គ្រឿង នឹង Jaguar F-PACE 1​គ្រឿង​ជូន​ទៅ​សណ្ឋាគារ Rose Wood Hotel & Resort លំដាប់​ផ្កាយ​ប្រាំ​ដោយមាន​ការចូលរួម​ពី​លោក​ឧកញ៉ា សំអាង (​វឌ្ឍនៈ​)​ដោយសារតែ​ភាពល្អ​ឥតខ្ចោះ​នៃ​បច្ចេកវិទ្យា​ឈានមុខ​គេ​ដែលមាន​សក្តានុពល​នឹង​សាក​សមជា​មួយ​សណ្ឋាគារ​លំដាប់​ផ្កាយ​ប្រាំមួយ​នេះ​ទើប​សណ្ឋាគារ​សម្រេច​បញ្ជា​ទិញ​រថយន្ត Jaguar ទាំង៣​គ្រឿង​នេះ​៕

Source: Kampuchea Thmey Daily