រតនគិរី ៖ រថយន្តកាមរីស្វិតមួយគ្រឿង កំពុងតែបើកបរលើផ្លូវសុខៗ ក៏បានរលត់ ស្រាប់តែមានអណ្តាតភ្លើងឆេះចេញពីក្បាលរថយន្តតែម្តង។
ហេតុការណ៍ភ្លើងឆាបឆេះរថយន្តមួយគ្រឿងនេះ បានកើតឡើងកាលពីវេលាម៉ោង៣និង៤០នាទីរសៀលថ្ងៃទី១៥ ខែតុលា ឆ្នាំ២០១៨ នៅត្រង់ចំណុចក្បែរចម្ការកៅស៊ូមួយកន្លែង ស្ថិតនៅភូមិជ្រៃ សង្កាត់យក្ខឡោម ក្រុងបានលុង។
ម្ចាស់រថយន្តមានឈ្មោះម៉ិច ឆន ភេទប្រុស អាយុ៥៩ឆ្នាំ ជនជាតិខ្មែរ ជាអ្នកសារព័ត៌មានសម្លេងនិស្សិតបញ្ញាវ័ន្ត បើករថយន្តម៉ាកកាមរីស្វិត ពណ៌ស គ្មានស្លាកលេខ ហើយករណីនេះសង្ស័យមកពីទុសេខ្សែភ្លើងទើបបណ្តាលឲ្យឆាបឆេះយ៉ាងសន្ធោសន្ធៅ។ ចំណែកប្រពន្ធ មិនត្រូវបានស្គាល់ឈ្មោះនោះទេ បន្ទាប់ពីភ្លើងឆេះភ្លាម ពីរនាក់ប្តីប្រពន្ធបានចាក់ចេញពីក្នុងរថយន្ត ហើយបានស្រែកហៅប្រជាពលរដ្ឋនៅជិតខាងឲ្យជួយមកអន្តរាគមន៍ពន្លត់ភ្លើងតែហួសពេលទៅហើយ បានឆាបឆេះអស់ទាំងស្រុង ហើយមិនរំខានដល់សមត្ថកិច្ចមូលដ្ឋាន និងអ្នកជិតខាងឡើយ។
លោកថា ពីរនាក់ប្តីប្រពន្ធបានមកទិញអីវ៉ាន់ចាប់ហួយនៅផ្សារបានលុងយកទៅលក់ ហើយបាន វិលត្រឡប់ទៅផ្ទះវិញមិនទាន់ដល់ផ្ទះផងក៏ឆាបឆេះនៅពាក់កណ្តាលផ្លូវ ប៉ុន្តែមិនប៉ះពាល់ដល់អាយុជីវិតនោះទេ គ្រាន់តែខូចខាតទ្រព្យសម្បត្តិមួយចំនួនធំ៕
Source: Kampuchea Thmey Daily
0 Comments