មេ​ចុងភៅ​ផ្កាយ​២​លំដាប់​ពិភពលោក​មក​ផ្តល់​បទពិសោធន៍​ជំនាញ​ធ្វើ​ម្ហូប​ដល់​ចុងភៅ​នៅ​ភោជនីយដ្ឋាន​តូ​ប៉ា​ហ្ស​

​ភ្នំពេញ​ ​ ៖ លោក Philippe Girardon ជា​ជនជាតិ​បារាំង​ដែលមាន​ឋានៈ​ជា​មេ​ចុងភៅ​ផ្កាយ​២​លំដាប់​ពិភពលោក​ បានមក​ផ្តល់​បទពិសោធន៍​លើ​ជំនាញ​និង​បច្ចេកទេស​ក្នុង​ការ​ធ្វើ​ម្ហូប​ដល់​ចុងភៅ​នៅ​ភោ​ជនី​ដ្ឋា​ន​តូ​ប៉ា​ហ្ស។

ជាមួយ​គ្នា​នេះ​ដែរ​ នៅ​ល្ងាច​ថ្ងៃទី​១៨ ខែ​តុលា ឆ្នាំ​២០១៨ ​លោក Philippe Girardon នឹង​បង្ហាញ​ស្នាដៃ​របស់​លោក​ផ្ទាល់​ចំអិន​មុខម្ហូប​ចំនួន​៧​រួម​ទាំង​បង្អែម​ដល់​ភ្ញៀវ​ជាតិ​និង​អន្តរជាតិ​ដែល​តែងតែ​គាំទ្រ​និង​ពេញចិត្ត​ទទួលទាន​នៅ​ភោ​ជនី​ដ្ឋា​ន​តូ​ប៉ា​ហ្ស​ ដែល​មុខម្ហូប​ទាំងនោះ​រួមមាន​ទី​១​មុខម្ហូប​ពង​ក្រូច​ និង​ឈី​ស​មូស ទី​២​សាឡា​ត់​សាច់​ក្តាម​ជាមួយ​ផ្លែ​ក្រូចថ្លុង​ផ្កាឈូក​ទី​៣​ត្រី​ច​ន​ដូ​រី​ចៀន​ជាមួយ​ប័​រ​និង​ស្រា​ឆា​ឡុង​ទី​៤​ការ៉េម​ផ្លែ​ហ្វី​ក​ទី​៥​ចៀន​សាច់​ទ្រូង​ព្រាប​ជាមួយ​ថ្លើម​ក្ងាន​និង​ផ្សិត​ត្រា​ស់ហ្វ​និង​ស្ពៃក្តោប​ទី​៦​បង្អែម​លាង​មាត់​មុននឹង​ហូប​បង្អែម​និង​ទី​៧​បង្អែម​សូកូឡា​។​
​
ប្រសិនបើ​អតិថិជន​មានបំណង​ចង់​បរិភោគ​នូវ​មុខម្ហូប​ទាំង​៧​មុខ​នេះ​អាច​កក់​នៅ​ភោ​ជនី​ដ្ឋា​ន​តូ​ប៉ា​ហ្ស​បាន​ដោយ​មនុស្ស​ម្នាក់​តម្លៃ​១១៥​ដុល្លារ​អាមេរិក​ដោយ​មិន​បញ្ចូល​ភេសជ្ជៈ​ផ្សេងៗ​ទៀតឡើយ​។​
​
ថ្លែង​នៅក្នុង​ស​ន្និសីទ​កាសែត​កាលពី​រសៀល​ថ្ងៃទី​១៦​ខែតុលា​ឆ្នាំ​២០១៨​ នៅ​ភោជនីយដ្ឋាន​តូ​ប៉ា​ហ្ស​
លោក Philippe Girardon បាន​មានប្រសាសន៍ថា​ លោក​មកកាន់​ប្រទេស​កម្ពុជា​នេះ​ មាន​រយៈពេល​៥​ថ្ងៃ​គឺ​ចាប់ពី​ថ្ងៃទី​១៥​ដល់​ថ្ងៃទី​១៩ ​ខែតុលា ​ឆ្នាំ​២០១៨ ​ដើម្បី​មក​ចែករំលែក​ចំណេះដឹង​ទាក់ទិន​របៀប​ធ្វើ​ម្ហូបអាហារ​ដល់​ចុងភៅ​នៅ​ភោជនីយដ្ឋាន​តូ​ប៉ា​ហ្ស​។​

លោក​បាន​បន្តថា ​ក្នុងកំឡុងពេល​ស្នាក់នៅ ប្រទេស​កម្ពុជា លោក​នឹង​បំពេញបន្ថែម និង​ផ្តល់​វគ្គ​សិក្សា​ទៅដល់​បុគ្គលិក​ផ្នែក​ចុងភៅ​ក្នុង​ភោជនីយដ្ឋាន តូ​ប៉ា​ហ្ស ​ដែល​ជា​ចំណែក​មួយ​នៃ​ចំណេះដឹង​ទូទៅ​ដែល​ពាក់ព័ន្ធ​ទៅ​នឹង​ផ្នែក​មុខម្ហូប​អាហារ​ផ្សេងៗ ក៏ដូចជា​ការ​បង្ហាត់​ប​ន្ថែ​ម​ទៅលើ​តិច​និ​ច​ទៅដល់ បុ​គ្ក​លិ​ក​ខ្មែរ​ក្នុង​ភោជនីយដ្ឋាន​តូ​ប៉ា​ហ្ស​ផងដែរ​។​
​
លោក​ពៅ សុ​ភ័​ក្រ មេ​ចុងភៅ​នៅ​ភោ​ជនី​ដ្ឋា​ន​តូ​ប៉ា​ហ្ស​បាន​មានប្រសាសន៍ថា​លោក​ក៏ដូចជា​ចុងភៅ​ផ្សេងៗ​បានទទួល​នូវ​បទពិសោធន៍​ថ្មីៗ​ពាក់ព័ន្ធ​នឹង​បច្ចេកទេស​ការ​ចំអិនម្ហូប គ្រឿងផ្សំ​ប្រកបដោយ​ភាព​ច្នៃប្រឌិត​ខ្ពស់​ដែល​លោក​មិនដែល​បាន​ជួប​ពីមុនមក​។​
​
លោក​បាន​បន្តថា​បន្ទាប់​ពី​បាន​ហាត់រៀន​ធ្វើ​ម្ហូប​ជាមួយ​មេ​ចុងភៅ​ផ្កាយ​២​លំដាប់​ពិភពលោក​រួច​លោក​នឹង​ខិតខំ​កែច្នៃ​មុខម្ហូប​សម្រាប់​បម្រើ​នៅ​ភោជនីយដ្ឋាន​តូ​ប៉ា​ហ្ស​កាន់តែ​ឆ្ងាញ់​ថែមទៀត​ដើម្បី​បម្រើ​ដល់​សេចក្តី​ត្រូវការ​របស់​ភ្ញៀវ​ជាតិ​និង​អន្តរជាតិ។

លោក Philippe Girardon​បាន​ថ្លែង​នូវ​ការកោតសរសើរ​ចំពោះ​ចុងភៅ​នៅ​ភោ​ជនី​ដ្ឋា​ន​តូ​ប៉ា​ហ្ស​ដែល​បាន​ខិតខំ​ប្រឹងប្រែង​រៀនសូត្រ​និង​ចង់​ចេះ​ចង់ដឹង​នូវ​មុខម្ហូប​ប្លែកៗ​តាមរយៈ​ការបង្ហាញ​របស់លោក​។​

គួរ​បញ្ជាក់ថា​ម្ហូបអាហារ​របស់លោក​Philippe Girardon​គឺ​ចង់បង្ហាញ​អំពី​ភាព​សម្រិត​ស​ម្រា​ង​និង​ភាពសាមញ្ញ​, ភាពទន់ភ្លន់ និង ស្មោះត្រង់ ដែល​ប្រៀបប្រដូច​ទៅនឹង​ខ្លួន​របស់គាត់​ផ្ទាល់​។ មុខម្ហូប​ទាំងអស់​គឺ​ផ្តោតទៅលើ​ភាពត្រឹមត្រូវ និង ធម្មជាតិ​នោះ​គឺជា​ធាតុ​ផ្សំ លោក​ចូលចិត្ត​ប្រើប្រាស់​ផលិតផល​ក្នុងស្រុក​ដែលមាន​ស្រាប់​ហើយ​មាន​លក្ខណៈ ស្រស់ និង​ផលិតផល​តាម​រដូវ​កាលដែល​មកពី​តំបន់​របស់លោក គឺ​ភូមិភាគ​ខាងត្បូង​នៃ​ប្រទេស​បារាំង​។

លោក​ចង់អោយ​ភ្ញៀវ​ដែល​ភ្លក្ស​ម្ហូប​របស់លោក​មាន​អារម្មណ៍​ដូច “​ដួងព្រលឹង​” របស់​ម្ហូប​នោះ ដើម្បី​ថែរក្សា អោយមាន​ភាពត្រឹមត្រូវ​ទៅលើ​មុខម្ហូប​របស់លោក​។ ភោជនីយដ្ឋាន​តូ​ប៉ា​ហ្ស​នឹង​ផ្តល់ជូន​គាត់​នូវ​គ្រឿងផ្សំ​ក្នុង ស្រុក​ស្រស់ៗ​ដូចជា​ផលិតផល​ដែល​ត្រូវបាន​នាំចូល​ដោយផ្ទាល់​ពី​ប្រទេស​បារាំង​សម្រាប់ រាត្រី​ដ៏​អស្ចារ្យ មួយ​នេះ​។​
​
ក្នុងនាម​ជា​មេ​ចុងភៅ​ដែល​ទទួលបាន​ភាពល្បីល្បាញ Meilleur Ouvrier de France លោក​ចុងភៅ Girardon បាន​រំពឹងទុក​ថា​នឹង​បង្ហាញជូន​ក៏ដូចជា​បង្ហាត់បង្ហាញ​ដល់​យុវជន យុវតី​ជំនាន់ ក្រោយ​អោយក្លាយ​ទៅជា​មនុស្ស​ដែលមាន​ជំនាញ និង​អាជីព​ពិតប្រាកដ​។
​
តំណាង​ភោជនីយដ្ឋាន​តូ​ប៉ា​ហ្ស​បាន​ឲ្យ​ដឹងថា​កន្លងមក​យើង​តែងតែ​ប​ញ្ជួ​ន​ចុងភៅ​ទៅ​សិក្សា​ពី​របៀប​ធ្វើ​ម្ហូប​តាមបែប​បារាំង​តែ​ចាប់ពី​ឆ្នាំ​២០១៧​មក​យើង​បាន​អញ្ជើញ​មេ​ចុងភៅ​ល្បីៗ​មកពី​ប្រទេស​បារាំង​ក្នុង​១​ឆ្នាំ​៣​ទៅ​៤​ដង​មក​បង្ហាត់បង្រៀន​បន្ថែម​ដល់​ចុងភៅ​នៅ​ភោ​ជនី​ដ្ឋា​ន​តូ​ប៉ា​ហ្ស​ដើម្បី​បង្កើន​ចំណេះដឹង​ទាក់ទិន​នឹង​ការធ្វើ​ម្ហូប​ផ្សេងៗ​ដើម្បី​បម្រើ​ដល់​ភ្ញៀវ​ជាតិ​និង​អន្តរជាតិ​ដែល​តែងតែ​គាំទ្រ​ដល់​ភោ​ជនី​ដ្ឋា​ន​តូ​ប៉ា​ហ្ស​។

សូម​រំលឹកថា​ចុងភៅ Philippe Girardon​ជា​ន្ចា​ស់​ជ័យលាភី​ដ៏​ល្បីល្បាញ Meilleur Ourrier de france (MOF) សិប្បករ​ដ៏​ល្អ​ឯក​របស់ ប្រទេស​បារាំង ក្នុង​ឆ្នាំ ១៩៩៧ ក្នុងចំណោម​ចុងភៅ​បារាំង​ដែលមាន​កិត្តិ​ស័ព្ទ​ល្បីល្បាញ​បំផុត​។​ជា​ម្ចាស់​សណ្ឋាគារ និង​ភោជនីយដ្ឋាន Michelin Star លំដាប់​ផ្កាយ​១​នៅក្នុង​ទីក្រុង Lyon ក្នុង សតវត្សរ៍ ​ទី​១៧ ដែលមាន​ឈ្មោះថា Domaine de Clairefontaine ជា​ចុងភៅ​ក្នុង​ភោជនីយដ្ឋាន Le Cottaçe de Clairefe​ដែលមាន​ចំងាយ​ប្រមាណ​២ ទៅ​៣​ម៉ែត្រ ពី​Domaine de Clairefontaine, ជ័យលាភី Michelin Star ផ្កាយ​១​របស់ Bib Gourmand ក្នុង​ឆ្នាំ​២០១៨​។ Bib Gourmand គឺជា​ភោជនីយដ្ឋាន​លំដាប់ ខ្ពស់​ដែល​បម្រើ​ជូន​នូវ​ម្ហូប​ដែលមាន​គុណភាព​ខ្ពស់ និង​តម្លៃ​សមរម្យ៕

​

Source: Kampuchea Thmey Daily