ភ្នំពេញ ៖ ស្ត្រីម្នាក់ត្រូវបានគេប្រទះឃើញដេកស្លាប់ក្បែរចេតិយមួយកន្លែងនៅក្នុងវត្តចាស់ដោយអ្នកស្រុកអះអាងថា ជនរងគ្រោះកើតជំងឺអេដស៍ជាច្រើនឆ្នាំមកហើយ បង្កឲ្យមានការណ៍ភ្ញាក់ផ្អើលកាលពីវេលាម៉ោង១និង៣០នាទីរសៀល ថ្ងៃទី០២ ខែតុលា ឆ្នាំ២០១៨ នៅក្បែរចេតិយមួយកន្លែងស្ថិតនៅក្នុងវត្តចាស់ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ។
សពស្ត្រីខាងមានឈ្មោះ ង៉ា ពេជ្យ អាយុ២៨ឆ្នាំ មានមុខរបរនិងស្នាក់នៅមិនពិតប្រាកដជាស្ត្រីមេម៉ាយមានកូនប្រុសស្រីចំនួន៤នាក់ក្រោយពីប្តីស្លាប់ចោលជាច្រើនឆ្នាំមកហើយចំណែកកូនៗត្រូវយកទៅដាក់នៅមណ្ឌលកុមារកំព្រាអស់ហើយ តែមិនដឹងថា យកទៅដាក់មណ្ឌលណានោះទេ។
នៅមុនប្រទះឃើញមានបុរសម្នាក់ឈ្មោះ អ៊ុក វាសនា អាយុ៣៥ ស្នាក់នៅសង្កាត់ទួលសង្កែខណ្ឌឫស្សីកែវបានឲ្យដឹងថា គាត់បានដើរកាត់ទីនោះក៏ប្រទះឃើញស្ត្រីខាងលើមានអាការៈធ្ងន់ធ្ងរឃើញដូច្នេះគាត់ក៏ទៅរាយការណ៍ប្រាប់សង្កាត់ពេលគាត់ត្រឡប់មកវិញស្ត្រីខាងលើបានស្លាប់បាត់ទៅហើយ។
តាមប្រជាពលរដ្ឋនៅទីនោះឲ្យដឹងថា ពួកគាត់មិនដឹងថា សពស្ត្រីខាងលើឈឺជំងឺប្រចាំកាយ(ជំងឺអេដស៍)តាំងពីពេលណានោះទេតែអ្វីដែលពួកគាត់បានដឹងនោះគឺថាស្ត្រីខាងលើចាប់ផ្តើមឈឺខ្លាំងរយៈពេលប្រមាណពីរសប្តាហ៍មកហើយគិតមកដល់ថ្ងៃស្លាប់។
ប្រភពដដែលបន្តថា ស្ត្រីខាងលើមានកូនប្រុសស្រី៤នាក់ ប្រុស២នាក់ ស្រី២នាក់ស្នាក់នៅមណ្ឌលកុមារកំព្រារីឯប្តីស្ត្រីខាងលើបានស្លាប់ជាច្រើនឆ្នាំមកហើយ។
សពត្រូវបានគេដឹកទៅតម្កល់ធ្វើបុណ្យនៅវត្តប្រជុំសាគរហៅវត្តថ្មីស្ថិតនៅសង្កាត់ជ្រោយចង្វារ ខណ្ឌជ្រោយចង្វារ៕
Source: Kampuchea Thmey Daily
0 Comments