កំពង់ចាម ៖ មិត្តបានក្លាយជាសត្រូវ បន្ទាប់ពីបានផឹកចំស្រាកាចជាមួយគ្នា ហើយក៏ក្លាយជាជម្លោះបើកឆាកប្រយុទ្ធស៊ីសាច់ហុតឈាមរវាងភាគីឪពុករួមនឹងកូន២នាក់ជាមួយភាគីទំនាស់ ដែលមានគ្នាតែម្នាក់ បានបណ្តាល អោយភាគីមានគ្នាច្រើនត្រូវស្លាប់យ៉ាងអាណោចអាធ័ម ក្រោមសន្ទុះផ្គាក់ផ្តាច់ជីវិត។
ចំណែកភាគីទំនាស់ដែលមានគ្នាតែម្នាក់ត្រូវទទួលជយលាភី ហើយត្រូវសមត្ថកិច្ចនគរបាលបំពាក់ខ្មោះដៃមួយគូ និងបញ្ជូនទៅកាន់តុលាការវិនិច្ឆ័យទោស។
ប៉ូលិសបានអោយដឹងថា ករណីមនស្សឃាតនេះ បានកើត ឡើងនៅថ្ងៃទី14 ខែតុលាឆ្ នាំ2018 វេលាម៉ោង17និង30នាទី នៅចំណុច ភូមិថ្មកែវ ឃុំត្រប់ ស្រុកបាធាយ ខេត្តកំពង់ចាម។
ប៉ូលិសបានអោយដឹងថា ជនរងគ្រោះ មានគ្នា៣ នាក់ត្រូវជាឪពុកនិងកូន
- ឈ្មោះ នី ណុន ភេទប្រុស អាយុ53 ឆ្នាំជាឪពុក
-ឈ្មោះ ណុន ឆវ័ន ភេទ ប្រុសអាយុ19ឆ្នាំ ជាកូន
-ឈ្មោះ ណុន វី ភេទប្រុស អាយុ 22ឆ្នាំជាកូន។ អ្នកទាំង3 មានទីលំនៅភូមិថ្មកែវ ឃុំត្រប់ស្រុកបាធាយ(ស្លាប់ទាំង3នាក់)។ ចំណែក ជនសង្ស័យ មានតែម្នាក់ ឈ្មោះ ឯម ភៀង ភេទប្រុស អាយុ៤១ ឆ្នាំ មានទីលំនៅភូមិឃុំជាមួយគ្នា។
ប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុ គេឃើញ ឈ្មោះ ឯម ភៀង និងឈ្មោះ ណុន វី បានផឹកស៊ីជាមួយគ្នានៅនឹងផ្ទះរបស់ឈ្មោះឯម ភៀង( ជនដៃដល់) ហើយក៏ទំនាស់ពាក្យសំដី និងវាយគ្នាទៅវិញទៅមក នៅពេលនោះ ឈ្មោះ ឯម ភៀង បានយក កាំបិតខ្វែវ របស់ខ្លួនមកកាប់កាប់ លើឈ្មោះ ណុន វី បណ្តាលអោយរងរបួសបន្តិចហើយ ឈ្មោះណុន វី បាននិយាយថាមិនអីទេឯង ប៉ុណ្ណឹងរួចក៏ដើរចេញបាត់។
មួយសន្ទុះក្រោយមកស្រាប់តែឃើញឈ្មោះ នី ណុន និង ឈ្មោះ ណុនវីនមកជាមួយឈ្មោះ ណុន ឆវ័ន ត្រូវជាឪពុក បាននាំគ្នាមករករឿងឈ្មោះ ឯម ភៀងដល់ផ្ទះដោយមានកាន់ពូថៅនិងដំបងជាប់នឹងដៃ ហើយក៏បើកឆាកប្រយុទ្ធគ្នាពេលនោះ ឈ្មោះឯម ភឿន ក៏យកកាំបិតខ្វែវកាប់ទៅលើអ្នកទាំងបី បណ្តាលអោយ ឈ្មោះ នី ណុននិង ឈ្មោះណុន ឆវ័នស្លាប់នៅកន្លែងកើតហេតុ ចំណែកឈ្មោះណុន វី ស្លាប់ពេលដឹកដល់មន្ទីរពេទ្យបាធាយ។
ក្រោយកើតហេតុ សមត្ថកិច្ច បាន ដកហូតវត្ថុតាង កាំបិតផ្គាក់និងឃាត់ខ្លួនជនសង្ស័យឃាត់ ខ្លួននាំមកកាន់អធិការដ្ឋានដើម្បីបំពេញសំណុំរឿងតាមនីតិវិធី៕
Source: Kampuchea Thmey Daily
0 Comments