ភ្នំពេញ ៖ តារាចម្រៀងប្រុសសម្បូររឿងអាស្រូវ លោក ប៊ុត សីហា ថ្មីៗនេះ ត្រូវបានមហាជនផ្ទុះការរិះគន់ជាថ្មី បន្ទាប់ពីតារាចម្រៀងរូបនេះ បានប្រកាសត្រៀមនឹងចម្លងបទចម្រៀងរបស់ប្រទេសថៃ គឺបទ ថ្ងូររកឈ្មោះបង ដែលត្រូវបានក្រសួងស្រុកគេបិទមិនឲ្យចាស់ផ្សាយ មកច្រៀងឡើងវិញ។ ខណៈតារាស្រីម្នាក់ទៀតក៏រងការរិះគន់ដូចគ្នានឹងលោក ប៊ុត សីហា ផងនោះ។
ការរិះគន់នេះបានផ្ទុះឡើងស្របពេលដែលតារាចម្រៀង និងជាម្ចាស់ពានកម្មវិធីប្រឡងចម្រៀងលំដាប់ថ្នាក់ពិភពលោក លោក ប៊ុត សីហា បានបង្ហាញចេតនាចង់ចម្លងយកបទចម្រៀងរបស់ប្រទេសថៃ គឺបទថ្ងូររកឈ្មោះបង មកច្រៀងឡើងវិញ។
ចំណែកឯតារាស្រីម្នាក់ទៀតមាន ឈ្មោះថា គ្រីប លក្ខិណា ក៏បានទម្លាយបទ ឈឺណាស់ ដែលត្រូវបានប្រភពមួយចំនួនលើកឡើងថា ជាបទរបស់ប្រទេសថៃ ហើយត្រូវបានក្រសួងស្រុកគេដាក់បម្រាមមិនឲ្យផ្សព្វផ្សាយ។
យោងតាមប្រភពពីអ្នកគាំទ្រមួយចំនួនបានលើកឡើងថា បទដែលខាងក្រសួងថៃកំពុងបិទ ហើយឯងយកមកច្រៀងទៀត យីចំជាលក់មុខប្រទេសបានល្អមែន។ ចង់ឃើញមុខអាអ្នកនិពន្ធបទចម្រៀងហ្នឹងណាស់ អាថោក ខួរក្បាលឆ្កែសុទ្ធ អញ្ចឹងបានពួកអាសៀមអស់នេះ វាចេះតែមើលងាយ ដោយសារតែពួកអាខួរក្បាលដូចជាពួកអស់វាហ្នឹង។
មិនខុសគ្នាពីទស្សនិកជននោះទេ ភ្លាមៗនោះ តារាចម្រៀងរៀមច្បង លោក ម៉ៃ សុគន្ធ ងាជាតារាកំពូលទើស ក៏បានធ្វើការរិះគន់លើ លោក ប៊ុត សីហា និងតារាស្រី គ្រីប លក្ខិណា បែបនេះថា អាសូរតែបទថៃល្បីល្អចុះ ល្បីស្អុយពេញមួយស្រុកថៃសោះ តែអាក្រុមថោកមួយចេះកូពីកើតដែរវើយ ជ្រុលតែចោទថាអ្នកណាក៏កូពីផលិតកម្មណាក៏កូពី គួរបើកខួរបើចង់កូពីដែរ កូពីបទល្បីល្អតិចទៅ អាក្រុមថោកស្រណោះខ្លួនមែន សីហា អើយ សត្វណា គឺសត្វទា វាមិនចេះឡើងទ្រើង ទេ។
លោក ម៉ៃ សុគន្ធ បានបន្ថែមទៀតថា សូមខាងក្រសួងវិចិត្រសិល្បៈ មេត្តាមើលលើទង្វើអសីលធម៌របស់ក្រុមផលិតចម្រៀងស្រើបស្រាលមួយក្រុមនេះផង តាមដែលដឹងច្បាស់ បទ (ថ្ងូរហៅឈ្មោះបង )នៅប្រទេសថៃ ខាងក្រសួងពាក់ព័ន្ធថៃមិនឲ្យផ្សព្វផ្សាយទេ និងអ្នកចម្រៀងថៃម្នាក់នោះ ក៏ជាប់ពាក្យបណ្ដឹងដែរ (អាស្រ័យនេះ សូមមេត្តាក្រសួងពាក់ព័ន្ធចាត់វិធានការណ៍ក្ដៅ ដល់ក្រុមមួយនេះផង)៕
Source: Kampuchea Thmey Daily
0 Comments