ក្រុមប្រឹក្សា​សភា​ព្រមាន​ថា សហរដ្ឋអាមេរិក​អាច​ចាញ់​សង្គ្រាម​ជាមួយ​ចិន​ឬ​រុស្ស៊ី

ក្រុមប្រឹក្សា​សភា​ បាន​ព្រមាន​នៅក្នុង​របាយការណ៍​មួយ​កាលពី​ថ្ងៃ​ពុធ​ថា សហរដ្ឋអាមេរិក​កំពុង​ប្រឈម​នឹង​វិ​ប​តិ្ត​សន្តិសុខ​ជាតិ​និង​វិបត្តិ​យោធា​ហើយ​អាច​នឹង​ចាញ់​នៅក្នុង​សង្គ្រាម​ជាមួយ​ប្រទេស​រុស្ស៊ី​ឬ​ចិន​។​

សភា​បានប្រគល់​ភារកិច្ច​ដល់​គណៈកម្មកា​រ​យុទ្ធសាស្ដ្រ​ការពារជាតិ​ដើម្បី​ពិនិត្យមើល​យុទ្ធសាស្ត្រ​ការពារជាតិ (NDS) របស់លោក​ប្រធានាធិបតី Donald Trump ដែល​បង្ហាញ​ពី​ជំនាន់​ថ្មី​នៃ “​ការប្រកួតប្រជែង​មហាអំណាច​” ជាមួយ​ទីក្រុង​មូ​ស្គូ​និង​ទីក្រុង​ប៉េ​ក​កាំ​ង​។​
​
គណៈកម្មការ​ដែល​ដឹកនាំ​ដោយ​អតីតមន្ត្រី​ជាន់ខ្ពស់​នៃ​គណបក្ស​ប្រជាធិបតេយ្យ​និង​សាធារណរដ្ឋ​រាប់សិប​នាក់​មួយ​នេះ​បាន​រកឃើញថា ស្រប​ពេលដែល​យោធា​អាមេរិក​ប្រឈម​នឹង​ការកាត់បន្ថយ​កញ្ចប់​ថ​វិកា​និង​កាត់បន្ថយ​អត្ថប្រយោជន៍​ខាង​យោធា​នោះ ប្រជាជាតិ​ផ្តាច់ការ​ដូចជា​ចិន​និង​រុស្ស៊ី​គឺ​កំពុង​បន្ត​ការបង្កើន​កម្លាំង​ក្នុង​គោលបំណង​កម្ទេច​ភាពរឹងមាំ​របស់​អាមេរិក​។​
​
គណៈកម្មការ​នេះ​បាន​និយាយថា “​ឧត្តមភាព​យោធា​របស់​អាមេរិក​ដែលជា​ឆ្អឹងខ្នង​ដ៏​រឹងមាំ​នៃ​ឥទ្ធិពល​សកលលោក​និង​សន្តិសុខ​ជាតិ​គឺ​បាន​ជ្រាបចូល​ទៅក្នុង​កម្រិត​គ្រោះថ្នាក់​”​។​
​
នៅក្នុង​របាយការណ៍រ​បស់​ខ្លួន គណៈកម្មការ​នេះ​បាន​រកឃើញថា ការផ្តោត​អារម្មណ៍​រប​ស់​អាមេរិក​លើ​ប្រតិ​ប​ត្ដិ​ការប្រឆាំង​កុបកម្ម​ក្នុង​សតវត្ស​នេះ​គឺ​បាន​បណ្តាល​ឲ្យ​វា​ធ្លាក់ចុះ​នៅក្នុង​តំបន់​សង្គ្រាម​ផ្សេងទៀត​។​
​
របាយការណ៍​ដដែល​នេះ​បាន​ឲ្យ​ដឹង​ទៀតថា “​ជំនាញ​ជាច្រើន​ដែល​ត្រូវការ​ជា​ចាំបាច់​សម្រាប់ធ្វើ​ផែនការ​និង​ប្រតិបត្តិការ​យោធា​ប្រឆាំងនឹង​សត្រូវ​ដែលមាន​សមត្ថភាព​ជាពិសេស​ប្រទេស​ចិន​និង​រុស្ស៊ី​គឺ​បាន​ធ្លាក់ចុះ​”​។​
​
របាយការណ៍​នេះ​បាន​ស្តីបន្ទោស​ភាពមិនប្រក្រតី​ខាង​នយោបាយ​និង​ការសម្រេចចិត្ត​ដែល​ធ្វើឡើង​ដោយ​គណបក្សនយោបាយ​ធំៗ​ទាំងពីរ​ជាពិសេស​វិធានការ​គ្រប់គ្រង​ថវិកា​ដែល​បាន​អនុវត្ត​ក្នុង​ឆ្នាំ​២០១១​។​
​
របាយការណ៍​នេះ​បាន​រកឃើញថា “​វា​បាន​បន្សល់ទុក​នូវ​សំណួរ​សំខាន់ៗ​ដែល​មិនមាន​ចម្លើយ​ទាក់ទង​នឹង​របៀប​ដែល​សហរដ្ឋអាមេរិក​នឹង​ដោះស្រាយ​ជាមួយ​បញ្ហា​ប្រឈម​ដ៏​មាន​គ្រោះថ្នាក់​ដែល​ពិភពលោក​ត្រូវ​ប្រឈមមុខ​”​។​
​
គណៈកម្មការ​ក៏បាន​និយាយ​ផងដែរ​ថា នៅ​ទូទាំង​ទ្វីបអាស៊ី​និង​អឺរ៉ុប​, ឥទ្ធិពល​របស់​អាមេរិក​កំពុង​ត្រូវបាន​ដួលរលំ​ជា​បណ្តើរៗ​ហើយ​តុល្យភាព​យោធា​បាន​ផ្លាស់ប្តូរ​ទៅជា “​វិធី​អវិជ្ជមាន​” ដែលជា​ហេតុ​បង្កើន​ហានិភ័យ​នៃ​ជម្លោះ​៕ AFP

​

[caption id="attachment_995743" align="alignnone" width="700"] ​[/caption]

Source: Kampuchea Thmey Daily