ភ្នំពេញ ៖ ខ្ទើយប្រុសម្នាក់ ព្រោះតែឈឺចិត្តនឹងមិត្តភ័ក្ដិ ចុះចោលមិននៅជាមួយ ក៏សម្រេចចិត្តបញ្ចប់ជីវិត ដោយចង.ក សម្លាប់ខ្លួន បង្កឲ្យមានការភ្ញាក់ផ្អើលនៅថ្ងៃទី៧កើត ខែកក្តិក ឆ្នាំចសំរឹទ្ធស័ក ព.ស២៥៦២ ត្រូវថ្ងៃពុធ ទី១៤ ខែវិច្ឆិកា ឆ្នាំ២០១៨ វេលាម៉ោង០៨ និង៣០នាទី នៅចំណុចផ្ទះជួលផ្លូវ១៣ ភូមិ០៥ប្លុកអ្នកតាចិនជាន់ទី២ សង្កាត់ផ្សារចាស់ ខណ្ឌដូនពេញ រាជធានីភ្នំពេញ។
សមត្ថកិច្ចបានឲ្យដឹងថា សពមិនស្គាល់អត្តសញ្ញាណ ភេទទី៣ កម្ពស់១ម៉ែត្រ៦០ សម្បុរខ្មៅស្រអែមអាយុប្រហែលជាង៣០ឆ្នាំ។
ប្រភពព័ត៌មានពីប្រជាពលរដ្ឋនៅផ្ទះជួលជិតគ្នាបានប្រាប់ឲ្យដឹងថា កន្លងមក គាត់តែងតែឃើញបុរសភេទទីបី មិនសូវសប្បាយចិត្តជារៀងរាល់ថ្ងៃ គាត់តែងតែហៅជនរងគ្រោះមកហូបបាយជាប្រចាំថ្ងៃ ដល់ពេលថ្ងៃកើតហេតុ អ្នកជិតខាងបានហៅជនរងគ្រោះមកហូបបាយជាធម្មតា តែជនរងគ្រោះមិនឆ្លើយតប ក៏ទៅមើលក្នុងបន្ទប់ជួលនោះ ក៏ឃើញចាក់សោគន្លឹះទ្វារជាប់ ដោយមានការសង្ស័យបាននាំគ្នាមកជួយគាស់ទ្វារបន្ទប់មើល ស្រាប់តែឃើញបុរសភេទទីបីនេះ ចង.ក ស្លាប់បាត់ទៅហើយ។
បន្ទាប់ពីកើតហេតុ ម្ចាស់ផ្ទះបានរាយការណ៍ទៅសមត្ថកិច្ចមូលដ្ឋានមកពិនិត្យ ហើយបានទំនាក់ទំនងទៅសមត្ថកិច្ចជំនាញ ចុះមកធ្វើកោសល្យវិច័យឃើញថា សពពិតជាស្លាប់ដោយសារចង.កសម្លាប់ខ្លួនពិតប្រាកដមែន រួចប្រគល់សពឲ្យក្រុមគ្រួសារចាត់ចែងដឹកសពយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments