កំពង់ឆ្នាំង ៖ ប្រជាពលរដ្ឋ បានឲ្យដឹងថា ស្ពានមួយកន្លែង ស្ថិតនៅតាមបណ្ដោយផ្លូវពីក្រាំងស្រម៉ ទៅរលាំងនាគ ក្នុងស្រុកសាមគ្គីមានជ័យ ខេត្តកំពង់ឆ្នាំង ត្រូវបានបាក់ផុងស្រុត ដោយសាររថយន្តដឹកឈើធុនធ្ងន់ លើសទម្ងន់ បើកបរឆ្លងកាត់ នៅយប់ថ្ងៃទី១២ ខែវិច្ឆិកា ឆ្នាំ២០១៨ នេះ និងរហូតមកដល់ព្រឹកថ្ងៃទី១៣ ខែវិច្ឆិកា ឆ្នាំ២០១៨ នេះ រថយន្តបង្កនៅមិនទាន់ស្ទូចចេញពីទីតាំងកើតហេតុនៅឡើយទេ ដែលធ្វើឲ្យចរាចរណ៍មានការកកស្ទះការដល់ធ្វើដំណើររបស់ប្រជាជន។
សូមបញ្ជាក់ថា នៅក្នុងខែវិច្ឆិកា ឆ្នាំ២០១៨ នេះ នៅក្នុងខេត្តកំពង់ឆ្នាំង ស្ពានចំនួន០២ហើយ ដែលត្រូវបានបាក់ដោយសារតែរថយន្តធុនធ្ងន់ដឹកលើសទម្ងន់ គឺលើកទី១ស្ពានជីប្រង នៅក្នុងឃុំខ្លុងពពក ស្រុកទឹកផុស និងទី២ស្ពានខាងលើនេះ ក្នុងស្រុកសាមគ្គីមានជ័យ ។ ដោយប្រជាពលរដ្ឋរង់ចាំមើលថា តើអាជ្ញាធរ និង អង្គភាពដែលពាក់ព័ន្ធ នឹងមានចំណាត់ការបែបណា ទៅលើរថយន្តដែលបង្កការខូចខាតស្ពានទាំង២នេះ ៕
Source: Kampuchea Thmey Daily
0 Comments