ការឡើងការពារជើងឯកAsian Cup របស់ក្រុមជម្រើសជាតិអូស្ត្រាលី ប្រឈមនឹងការប៉ះទង្គិចមួយដោយសារតែខ្សែបម្រើAaron Mooyរបស់ក្លិបHuddersfieldត្រូវបានលប់ឈ្មោះចេញពីការប្រកួតមួយនេះ ក្រោយរងរបួសធ្ងន់ធ្ងរត្រង់ក្បាលជង្គង់របស់គាត់។
កីឡាករMooy បានលេងដល់កម្រិតកំពូលក្នុងរដូវកាលនេះ ប៉ុន្តែគាត់បានដាច់សរសៃត្រង់ក្បាល់ជង្គង់ស្តាំរបស់គាត់ អំឡុងការប្រកួតជាមួយក្រុម Arsenalកាលពីដើមខែនេះ។
កាលពីដំបូងឡើយ ក្លិបHuddersfield បានលប់ឈ្មោះគាត់ចេញពីការប្រកួតរហូតដល់ខែកុម្ភះ ប៉ុន្តែគាត់គឺជាកីឡាករសំខាន់បែបហ្នឹងសម្រាប់ក្រុមជម្រើសជាតិអូស្ត្រាលី ពួកគេបាននិយាយយ៉ាងទទួចពីពីការណែនាំទី២ពីអ្នកជំនាញឯករាជ្យ។
លោកGraham Arnold គឺជាគ្រូបង្វឹករបស់ក្រុមជម្រើសជាតិអូស្ត្រាលី បាននិយាយនៅក្នុងសេចក្តីថ្លែងការណ៍កាលពីល្ងាចថ្ងៃចន្ទថា វាគឺជារឿងដ៏គួរខកចិត្តខ្លាំងណាស់ ចំពើការបាត់បង់កីឡាករ Aaronសម្រាប់ការប្រកួតមួយនេះ។
លោកបន្តថា យើងតែងតែរិះរកជម្រើសល្អបំផុតដើម្បីឲ្យកីឡាករAaron អាចលេងបានសម្រាប់ក្រុមជម្រើសជាតិអូស្ត្រាលីនៅក្នុងប្រទេសអារ៉ាប់រួម។
សូមបញ្ជាក់ថា កីឡាករMooy ត្រូវការពេលយ៉ាងហោច១ខែទៀត ដើម្បីជាសះស្បើយពីរបួសរបស់គាត់ ហើយដោយការប្រកួតAsian Cup នឹងចាប់ផ្តើមនៅថ្ងៃទី៥ខែមករា ហើយនោះ លោកArnold បានសម្រេចចិត្តថា លោកមិនអាចប្រថុយឲ្យគាត់ចូលលេងបាននោះទេ៕
Source: Kampuchea Thmey Daily
0 Comments