តូតា បញ្ចេញរូបភាពសិចស៊ីស្រើបស្រាលមួយទំហឹង អំឡុងដឹកដៃគូស្នេហ៍ទៅកម្សាន្តកោះរុង

Cambodia News December 11, 2018

ភ្នំពេញ ៖ តារាសម្តែងស្រីធ្លាប់មានទីផ្សារខ្ពស់ និងបច្ចុប្បន្ន ក្លាយជាថៅកែហាងលក់គ្រឿងសមុទ្រវ័យក្មេង កញ្ញា ម៉ាក់ សែនសូនីតា ជាថ្មីម្តងទៀត បានថតបញ្ចេញនូវរូបភាពសិចស៊ី ស្រើបស្រាលមួយទំហឹងតែម្ដង គ្រាដែលធ្វើដំណើរកម្សាន្តលំហែកាយនៅទឹកដីរមណីយដ្ឋានកោះរុង។

ផ្អែកតាមរយៈរូបភាពជាច្រើនសន្លឹកដែលត្រូវបានសាមីខ្លួន កញ្ញា ម៉ាក់ សែនសូនីតា បង្ហោះរំលេចនៅលើបណ្ដាញសង្គមហ្វេសប៊ុក កាលពីថ្មីៗនេះ គឺស្ថិតក្នុងសំលៀកបំពាក់បែបសិចស៊ី ប៊ីគីនីប្រលែងសាច់សខ្ចីផ្នែកល្វែងលើ និង ខាងក្រោមបង្កការចាប់អារម្មណ៍ខ្លាំងដល់ទស្សនិកជន ពិសេសអ្នកនិយមលេងបណ្ដាញសង្គមហ្វេសប៊ុក ស្ទើរគ្រប់គ្នា។ មិនតែប៉ុណ្ណោះ បច្ចុប្បន្ន ក៏កំពុងមានការចែករំលែកបន្តនៅលើបណ្តាញយក្សមួយនេះ។

ជាការកត់សម្គាល់ អំឡុងពេលចេញដំណើរកម្សាន្តដើម្បីលំហែកាយរបស់ កញ្ញា តូតា នេះដែរ គឺនាងពុំមែនធ្វើឡើងតែម្នាក់ឯងនោះទេ ពោលគឺតារាស្រីរូបនេះ ក៏បានដឹកដៃបុរសជាគូស្នេហ៍របស់ខ្លួន គឺលោក ប៉ុល វិបូ ទៅជាមួយគ្នាផងដែរ។ ខណៈមានអ្នកគាំទ្រច្រើនបានលើកឡើងថា ចំណងស្នេហារបស់នាងនៅពេលនេះកាន់តែមានភាពផ្អែមល្ហែម និងរឹងម៉ាំខ្លាំងទៀតផង។

សូមបញ្ជាក់ថា តារាសម្តែងស្រី កញ្ញា តូតា ក្រៅតែពីជោគជ័យ និងទទួលបានការគាំទ្រច្រើនលើវិស័យសិល្បៈនោះ បច្ចុប្បន្ន នាង ក៏មានមុខជំនួញផ្ទាល់ខ្លួនតាមរយៈការចូលទុនរួមគ្នាជាមួយគូស្នេហ៍ពង្រីកហាងលក់គ្រឿងសមុទ្រជាច្រើនកន្លែងនៅរាជធានីភ្នំពេញ និងក៏មាន១សាខាទៀតនៅក្រុងតាខ្មៅផងដែរ។

ដោយឡែក បើតាមសង្កេតសម្រាប់រឿងរ៉ាវជីវិតស្នេហាឯកជនក្រៅឆាករបស់ស្រីស្រស់ តូតា ឯណោះវិញ ក៏ត្រូវបានគេមើលឃើញថា សព្វថ្ងៃនាង ក៏កំពុងទទួលបានជោគជ័យ និងការលើកសរសើរចំពោះការរឹតចំណងស្នេហាដ៏ផ្អែមល្ហែមមួយនេះផងដែរ៕