កណ្ដាល ៖ ពិតជាគួរឲ្យសោកស្ដាយ បុរសម្នាក់ជាមន្ត្រីនគរបាល ជួបអកុសលអាក្រក់ជិះម៉ូតូដួលស្លាប់ខ្លួនឯង។ ហេតុការណ៍នេះបានកើតឡើងនៅថ្ងៃអាទិត្យ ១០រោច ខែកត្តិក ឆ្នាំច ព.ស២៥៦២ ត្រូវនឹងថ្ងៃទី០២ ខែធ្នូ ឆ្នាំ២០១៨ វេលាម៉ោង ២១និង៣០នាទី នៅលើកំណាត់ផ្លូវជាតិ៣៨០ ស្ថិតក្នុងភូមិទួលមាស ឃុំអរិយក្សត្រ ស្រុកល្វាឯម ខេត្តកណ្តាល។
សាក្សីបានឲ្យដឹងថា នៅមុនពេលកើតហេតុមានម៉ូតូមួយគ្រឿង ម៉ាកHonda dream C១២៥ ពណ៌ខ្មៅ ផលិតឆ្នាំ២០១៨ ពាក់ស្លាកលេខ កណ្តាល 1Y-8035 បើកបរ ដោយឈ្មោះ យឹម ប៊ុណ្ណា ភេទប្រុស អាយុ៣២ឆ្នាំ មុខរបរនគរបាល(មិនពាក់មួកសុវត្ថិភាព)(ស្លាប់) មានទីលំនៅបច្ចុប្បន្នភូមិទឹកឃ្លាំង ឃុំ ទឹកឃ្លាំង ស្រុកល្វាឯម ខេត្តកណ្ដាល។
បើកបរមានទិសដៅពី ជើងទៅត្បូង ពេលបើកបរមកដល់ចំណុចកើតហេតុ ក៏បានដួលស្លាប់នៅកន្លែងកើតហេតុ ដោយមិនដឹកថាបុកជាមួយនឹងអ្វី។ ដោយសារកន្លែងកើតហេតុមានស្ថានភានស្ងាត់ដាច់ឆ្ងាយពីភូមិ និងមានស្ថានភាពងងឹត។ ករណីនេះ សមត្ថកិច្ច កំពុងពិនិត្យ និងស្រាវជ្រាវ។ ចំណែកវត្ថុតាង សមត្ថកិច្ចបានយកមករក្សាទុកនៅអធិការដ្ឋាននគរបាលស្រុកល្វាឯម៕
Source: Kampuchea Thmey Daily
0 Comments