ពានរង្វាន់​ស្វាយរៀង​ខាប់ ឆ្នាំ​២០១៨ បន្ត​ប្រកួត​វគ្គ​៨​ក្រុម​ចុងក្រោយ​នៅ​ចុង​សប្ដាហ៍​នេះ

ពានរង្វាន់​បាល់ទាត់​មហាជន​ធំជាងគេ​ប្រចាំខេត្ត​ស្វាយរៀង​ឈ្មោះថា​«​ស្វាយរៀង ខាប់ (Svay Rieng Cup) លើក​ទី​៤ ឆ្នាំ​២០១៨ ដែល​រៀបចំឡើង​ដោយ​សហភាព​សហព័ន្ធ​យុវជន​កម្ពុជា​ខេត្តស្វាយរៀង បានធ្វើ​ដំណើរ​ដល់​វគ្គ​៨​ក្រុម​ចុងក្រោយ​ហើយ នៅ​ចុង​សប្ដាហ៍​នេះ​ក្រោយ ក្រោយ​បញ្ចប់​វគ្គ​ប្រកួត​ក្នុង​វគ្គ​១៦​ក្រុម ក៏ដូចជា​វគ្គ​៣២​ក្រុម​ចុងក្រោយ​និង​វគ្គ​ចែក​ពូ​ល​។​

​ពានរង្វាន់ Svay Rieng Cup ឆ្នាំនេះ​មាន​ក្រុម​ចូលរួម​ចំនួន​៥២​ក្រុម​ចែកជា​១៣​ពូ​ល​ផ្សេងគ្នា​នៅ​កីឡដ្ឋាន​ខេត្ត​ជាប់​ព្រំដែន​កម្ពុជា​-​វៀតណាម មួយ​នេះ​។ សម្រាប់​កម្មវិធី​ប្រកួត​មានដូចជា​នៅ​ថ្ងៃ​សៅរ៍ ទី​១៥ ខែធ្នូ ឆ្នាំ​២០១៨ ក្រុម​សៀង​ហៃ​រី​ហ្សត ប៉ះ​ក្រុម​អធិការនគរបាល​ក្រុង​បាវិត នៅវេលា​ម៉ោង​៣​រសៀល ខណៈ​ក្រុមយុវជន​ស្រុក​ស្វាយជ្រុំ ប៉ះ​ក្រុម​ស​.​ស​.​យ​.​ក ស្រុក​រមាសហែក​នៅ​ម៉ោង​៥​ល្ងាច​។ នៅ​អាទិត្យ ទី​១៦ ខែធ្នូ ឆ្នាំ​២០១៨ ក្រុម​ស​.​ស​.​យ​.​ក ក្រុង​ស្វាយរៀង ប៉ះ​ក្រុម​ស​.​ស​.​យ​.​ក​ក្រុង​បាវិត នៅវេលា​ម៉ោង​៣​រសៀល និង​ក្រុម Blue Dragon ជួប​ក្រុម​សុភ​ក្តិ​មូទ័រ FC ជី​ភូ នៅ​ម៉ោង​៥​ល្ងាច​។​

​ក្រឡេកមើល​កីឡាករ​ដែល​រក​គ្រាប់​បាល់​បាន​ច្រើនជាងគេ​បណ្តោះអាសន្ន​ត្រឹម​វគ្គ​៨​ក្រុម​ចុងក្រោយ​នេះ​ឃើញថា​កីឡាករ សូ ពៅ របស់​ធា​រី​បាវិត និង​កីឡាករ វ៉ា កែវ​រតនៈ របស់​ក្រុម​ស​.​ស​.​យ​.​ក ក្រុង​ស្វាយរៀង រកបាន​គ្រាប់​បាល់​២០​គ្រាប់​ម្នាក់​ស្របពេល​កីឡាករ គឹម ផល្លី របស់​ក្រុម Panda FC រកបាន​គ្រាប់​បាល់​១៩​គ្រាប់​ ហើយ​កីឡាករ ជៀស ភ​ក្រា របស់​ក្រុម​អធិការ​នគរបាល​ក្រុង​បាវិត រក​បាន​គ្រាប់​បាល់​១៨​គ្រាប់​និង​កីឡាករ ពៅ ពិសិដ្ឋ របស់​ក្រុម M.S.T FC រក​បាន​គ្រាប់​បាល់​១២​គ្រាប់​តាម​ពីក្រោយ​។

​ការប្រកួត​ធ្វើឡើង​នៅលើ​ទីលាន​ស្មៅ​ធម្មជាតិ នៃ​កីឡដ្ឋាន​ខេត្តស្វាយរៀង​ជាប់ៗ​គ្នា ខណៈ​នេះ​ជា​លើក​ទី​៤​បន្ទាប់ពី​បង្កើត​ចាប់តាំងពី​ឆ្នាំ​២០១៥​ដោយ​ត្រូវបាន​ផ្តួចផ្តើម​បង្កើតឡើង ដោយ​សហភាព​សហព័ន្ធ​យុវជន​កម្ពុជា​ខេត្តស្វាយរៀង ដែលមាន​ឯកឧត្តម ឌី វិជ្ជា ជា​ប្រធាន ស្របពេល​២​លើ​មុនដំបូង ក្រុមបាល់ទាត់ ស​.​ស​.​យ​.​ក ក្រុង​បាវិត ជា​ម្ចាស់​ជើងឯក​ទាំង​២​ឆ្នាំ​ជាប់ៗ​គ្នា​និង​ចុងក្រោយ​ក្រុម​ក្រុម​ធា​រី​លិញ​គួ​យ ជា​ម្ចាស់​ជើងឯក​ម្តង​៕​
​

Source: Kampuchea Thmey Daily