បន្ទាយមានជ័យ ៖ មន្ត្រីជំនាញចុះពិនិត្យការ៉ាសសាំងលើកទី១ រកឃើញសាំង១០០លីត្រខ្វះ១០លីត្រធ្វើកិច្ចសន្យា និងណែនាំលើកទី២ខ្វះ៨លីត្រ មិនរាងចាលចាត់ការតាមច្បាប់ចំពោះម្ចាស់ការ៉ាសសាំងបញ្ជូនសាលាដំបូងខេត្តបន្ទាយមានជ័យកាលពីថ្ងៃទី១១ ខែធ្នូ ឆ្នាំ២០១៨។
លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យដោយមានការណែនាំពីរដ្ឋមន្ត្រីក្រសួងពាណិជ្ជកម្ម និងដាក់វិធានការពីអគ្គនាយកដ្ឋានកាំកុងត្រូលហើយមន្ត្រីជំនាញបានចុះពិនិត្យការ៉ាសសាំងក្នុងខេត្តបន្ទាយមានជ័យដើម្បីពិនិត្យសាំង និងម៉ាស៊ូតឲ្យគ្រប់ចំណុះទៅតាមភាពអនុលោមនៃច្បាប់លម្អៀងយ៉ាងច្រើន១លីត្រក្នុង១០០លីត្រ។
លោកបានបញ្ជាក់ថា ឲ្យដឹងទៀតថា កន្លងមកមន្ត្រីសាខាកាំកុងត្រូលខេត្តបន្ទាយមានជ័យបានចុះពិនិត្យការ៉ាសសាំងក្នុងទូទាំងខេត្តបន្ទាយមានជ័យរកឃើញការ៉ាសសាំងកន្លែងនៅក្បែរព្រំដែនគឺម្ចាស់ការ៉ាសសាំងឈ្មោះ ឃាង សឿន ភេទប្រុស អាយុ៤៨ឆ្នាំ រស់នៅភូមិអូរបីជាន់ ឃុំអូរបីជាន់ស្រុកអូរជ្រៅ ដែលមន្ត្រីជំនាញចុះពិនិត្យលើកទី១ចំណុះសាំង១០០លីត្រខ្វះ ឬ បាត់១០លីត្រហើយមន្ត្រីជំនាញបានធ្វើកិច្ចសន្យាណែនាំ។
លុះនៅថ្ងៃទី១១ ខែធ្នូ ឆ្នាំ២០១៨ មន្ត្រីសាខាកាំកុងត្រូលខេត្តបន្ទាយមានជ័យបានចុះពិនិត្យជាលើកទី២ បានធ្វើរង្វាស់រង្វាល់ចំណុះសាំង១០០លីត្រខ្វះ ឬ បាត់៨លីត្រទើបមន្ត្រីជំនាញដោយធ្លាប់ធ្វើកិច្ចសន្យាជាលើកទី១ហើយដល់លើកទី២មិនព្រមកែខ្លួនទើបមន្ត្រីសាខាកាំកុងត្រូលបានកសាងសំណុំរឿងបញ្ជូនឈ្មោះ ឃាង សឿន ជាម្ចាស់ការ៉ាសសាំងនៅចំណុចអូរបីជាន់ជាប់ជាយដែនត្រូវបានបញ្ជូនទៅតុលាការខេត្តបន្ទាយមានជ័យដើម្បីអនុវត្តទៅតាមច្បាប់។
ក្នុងនោះលោក សាន វិជ្ជាសារ៉ាវុធ បានអំពាវនាវដល់ម្ចាស់ការ៉ាសសាំងទាំងអស់ត្រូវកែតម្រូវទៅតាមភាពអនុលោមនៃច្បាប់លម្អៀងយ៉ាងច្រើនបំផុត១លីត្រក្នុងចំណុះ១០០លីត្របើសិនជាមន្ត្រីជំនាញចុះពិនិត្យរកឃើញការ៉ាសសាំងណាមួយដែលអតិថិជនចាក់សាំង១០០លីត្រខ្វះ ឬ បាត់ចំណុះលីត្រ ត្រូវរាយការណ៍ជូនមន្ត្រីសាខាកាំកុងត្រូលខេត្តបន្ទាយមានជ័យ និងមានវិធានការតាមច្បាប់៕
Source: Kampuchea Thmey Daily
0 Comments