វីដេអូឃ្លីបមួយបង្ហាញឲ្យឃើញពស់ថ្លាន់ដ៏ធំមួយក្បាលរុំរឹតអ្នកភូមិឥណ្ឌូនេស៊ីម្នាក់ ដែលនាំឲ្យមានអ្នកតាមដានមើលដល់ទៅជា១លានដង បន្ទាប់ពីអ្នកស្រុកជួយចូលរួមបោកចំបាប់ប្រតាយប្រតប់ជាមួយសត្វល្មូនយក្ស មុនពេលចាប់វាយកទៅដាក់ក្នុងទ្រុងបានដោយជោគជ័យ។
ដំបូងឡើយ អ្នកស្រុកគិតថា សត្វល្មូនយក្ស ដែលវាសម្ងំស្ងៀមនៅក្នុងដងស្ទឹងនោះដោយស្មានថា ជាដើមឈើដែលងាប់យូរមកហើយត្រាំនៅក្នុងទឹក មុនពេលមានអ្នកភូមិម្នាក់នៅទៅប៉ះវាស្រាប់តែវាបញ្ចេញសកម្មភាពទើបដឹងថា ជាពស់ថ្លាន់យក្ស។
វីដេអូឃ្លីបថតកាលពីថ្ងៃទី២២ ខែវិច្ឆិកា ដោយអ្នកភូមិម្នាក់ឈ្មោះ Ronal Efendicoto បង្ហាញឲ្យឃើញពីបុរសម្នាក់កំពុងប្រយុទ្ធ ខណៈអ្នកភូមិជាច្រើននាក់ទៀតព្យាយាមជួយស្រោចស្រង់បុរសនោះពីការមួលរឹតរូតសម្លាប់ដោយសារសត្វពស់យក្ស។
ថ្វីបើចាប់ពស់យក្សនោះ បានហើយផ្តល់ដំណឹងដល់ផ្នែកអភិរក្សសួនសត្វឲ្យជួយយ៉ាងណាក្តីក៏ខាងសួនសត្វបានបដិសេធមិនទទួលយកពស់នោះទេ ដោយប្រាប់ពីមូលហេតុថា លើសពីសមត្ថភាពដែលខ្លួនអាចធ្វើទៅបាន៕
អា.អេហ្វ.ប៉េ
Source: Kampuchea Thmey Daily
0 Comments