ភ្នំពេញ ៖ កម្លាំងអាវុធហត្ថរាជធានីភ្នំពេញ បានបញ្ជូនបញ្ជូនជនសង្ស័យ៥នាក់ លួចធ្វើជំរកក្នុងព្រៃជក់ថ្នាំញៀនទៅតុលាការនាថ្ងៃទី៣ធ្នូនេះ បន្ទាប់ពីកម្លាំងអាវុធហត្ថខណ្ឌមានជ័យ សហការជាមួយកម្លាំងការិយាល័យបទល្មើសគ្រឿងញៀន អាវុធហត្ថរាជធានីភ្នំពេញ និង កម្លាំងសាលាសង្កាត់ស្ទឹងមានជ័យ២បានចុះឃាត់ខ្លួននៅវេលាម៉ោង ១០និង៣០នាទី ថ្ងៃសៅរ៍ ទី០១ ខែធ្នូ ឆ្នាំ២០១៨ នៅចំណុចសំណង់មិនរៀបរយ ស្ថិតនៅក្រុមទី៦ ភូមិដំណាក់ធំសង្កាត់ស្ទឹងមានជ័យ២ ខណ្ឌមានជ័យ រួចមក។
មន្ត្រីអាវុធហត្ថរាជធានីនិយាយថា ជនសង្ស័យដែលអាវុធហត្ថបង្ក្រាបបានទី១.ឈ្មោះងួន លី ភេទប្រុស អាយុ២៧ឆ្នាំ មុខរបររើសអេតចាយ ស្នាក់នៅភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ,ទី២.ឈ្មោះចិន សុខហេង ភេទស្រី អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ,ទី៣.ឈ្មោះពុំពៅ ភេទប្រុស អាយុ ១៩ឆ្នាំមុខរបរ មិនពិតប្រាកដ ស្នាក់នៅភូមិព្រែកទាល់ សង្កាត់ ស្ទឹងមានជ័យ២ ខណ្ឌមានជ័យ,ទី៤.ឈ្មោះ គឹម រស្មី ភេទប្រុស អាយុ៣២ឆ្នាំ មុខរបររើសអេតចាយ ស្នាក់នៅ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ និងទី៥.ឈ្មោះស៊យ វុទ្ធី ភេទប្រុស អាយុ២៩ឆ្នាំ មុខរបរ រើសអេតចាយ ស្នាក់នៅភូមិព្រែកទាល់ សង្កាស្ទឹងមានជ័យ២ ខណ្ឌមានជ័យ។
មន្ត្រីអាវុធហត្ថបន្តថា ដកហូតវត្ថុតាងរួមមាន ១.ក្រាមសថ្លាចំនួន០២ កញ្ចប់ធំល្មម ,២.ដាវចំនួន០៤ដើម,៣.ដែកកេះ៤និង៤.ដបជក់គ្រឿងញៀន៤។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនទៅ ការិយាល័យបទល្មើសគ្រឿងញៀន អាវុធហត្ថរាជធានីភ្នំពេញ ដើម្បីសួរនាំបន្តតាមនីតិវិធី។ ចំណែកជំរកត្រូវបានសមត្ថកិច្ចដុតកម្ទេចចោល ៕
Source: Kampuchea Thmey Daily
0 Comments