ភ្នំពេញ ៖ មានការភ្ញាក់ផ្អើលទាំងកណ្ដាលយប់ ខណៈតារាចម្រៀងស្រីវ័យក្មេងរូបស្រស់សម្បូរក្បាច់រាំកក្រើកឆាក កញ្ញាពេទ្យ បូព្រឹក្ស នាវេលាម៉ោងប្រមាណជិត១១យប់ថ្ងៃទី ២៥ ខែធ្នូ ឆ្នាំ២០១៨នេះបានរងនូវអំពើហិង្សា ពីសំណាក់ម្ចាស់ហាងសមុទ្រ ដែលមានទីតាំងម្តុំមន្ទីរពេទ្យកុមារជាតិ។
បើតាមការរៀបរាប់របស់កញ្ញា ទេព បូព្រឹក្ស តាមរយៈការLiveវីដេអូយំសោកស្ថិតក្នុងសភាពភ័យស្លេកស្លាំងបាននិយាយថា យប់ហ្នឹង(២៥ខែធ្នូ)នាងបានមកច្រៀងនៅហាងខាងលើ ប៉ុន្តែបែរជាត្រូវម្ចាស់ហាងយកកំប៉ុងស្រាបៀរមកគប់លើខ្លួន ហើយថែមទាំងប្រើសម្ដីឈ្លើយទៀត។ ខ្ញុំមកច្រៀងតើហេតុអ្វីបានជាម្ចាស់ហាងរូបនេះ បាននិយាយពាក្យមិនសមរម្យលើខ្លួនដូច្នេះ។
កញ្ញា ទេព បូព្រឹក្ស និយាយទៀតថា ខ្ញុំមិនទាន់បាននឹងច្រៀងផង ក៏ស្រាប់តែគេប្រើកំប៉ុងប៊ីយ៉ែរ(ស្រាបៀរ)មកគប់លើខ្លួន ទាំងមិនដឹងអ្វីឡើយ។ សួរថាតើស្រុកខ្មែរមានច្បាប់ទេ ? មើលងាយអ្នកចម្រៀង។ ម្ចាស់ហាងហ្នឹងអស្ចារ្យប៉ុន្មាន ហើយមានលុយប៉ុន្មានបានជាឡើងទៅជេរប្រមាថខ្ញុំដល់លើឆាកកប់ៗមាត់។
សូមបញ្ជាក់ថា ភ្លាមៗនោះ ជនបង្កហិង្សា(ថៅកែហាង) ក៏ត្រូវបានគេរំដោះខ្លួនទៅបាត់ដោយទុកឲ្យកញ្ញា ទេព បូព្រឹក្ស នៅយំសោកបង្កការភ្ញាក់ផ្អើលពេញហាង។
ដូច្នេះដើម្បីបានជ្រាបព័ត៌មានកាន់តែច្បាស់សូមបង្វែរអារម្មណ៍ប្រិយមិត្តអ្នកអានទៅទស្សនាវីដេអូនៃការLiveរបស់កញ្ញា ទេព បូព្រឹក្ស ទាក់ទងហេតុការណ៍ខាងលើនេះ ជាមួយកម្ពុជាថ្មីទាំងអស់គ្នា។ ព័ត៌មានបន្ថែមកម្ពុជាថ្មីនឹងបន្តការផ្សាយលម្អិតនាព្រឹកថ្ងៃទី២៦ ខែធ្នូ ឆ្នាំ២០១៨នេះ ដើម្បីបញ្ជាក់បន្ថែមអំពីរឿងរ៉ាវ ដែលតារាចម្រៀងកញ្ញា ទេព បូព្រឹក្ស ត្រូវថៅកែហាងប្រើហិង្សាបង្កការភ្ញាក់ផ្អើលទាំងយប់៕
Source: Kampuchea Thmey Daily
0 Comments