តើ​អ្នកណា​ត្រូវ​ស្ដីបន្ទោស​ចំពោះ​បរិស្ថាន​នយោបាយ​បំពុល​របស់​អាមេរិក​?

អំពើ​ហិង្សា​ដោយ​កាំភ្លើង​ប្រឆាំងនឹង​សមាជិកសភា ការរិះគន់​ឥតឈប់ឈរ​ដោយផ្ទាល់​ពី​ប្រធានាធិបតី​អាមេរិក​និង​ការយាយី​លើ​មន្ត្រី​សាធារណៈ​ ហើយ​មាន​កញ្ចប់​គួរ​ឲ្យ​សង្ស័យ​ជាច្រើន​ដែល​មួយចំនួន​មាន​ផ្ទុក​គ្រឿងផ្ទុះ​កំណត់​គោលដៅ​លើ​អ្នកប្រជាធិបតេយ្យ​ល្បីឈ្មោះ​។​
​ទីក្រុង​វ៉ាស៊ីនតោន​និង​ភាគច្រើន​នៃ​ប្រទេស​អាមេរិក​បានទទួលរ​ង​នូវ​បរិយាកាស​នយោបាយ​បំពុល​ខ្លាំង​។ តើន​រណា​និង​អ្វីដែល​ត្រូវ​ស្តីបន្ទោស​?
​
តើ​យើង​មក​ទីនេះ​ដោយ​របៀប​ណា​?
​នយោបាយ​អាមេរិក​បាន​រាំងស្ទះ​អស់​រយៈពេល​២០០​ឆ្នាំ​ដោយ​ប្រធានាធិបតី​បួន​នាក់​ត្រូវបាន​គេ​ធ្វើឃាត​។ សង្គ្រាម​វៀតណាម​និង​រឿងអាស្រូវ Watergate គឺជា​ចំណុចក្តៅ​។ អគារ​សហព័ន្ធ​ត្រូវបាន​បំផ្ទុះ​គ្រាប់បែក​។​


​
ក្រុម​អ្នកជំនាញ​បាន​ចង្អុល​ទៅ​ទសវត្សរ៍​ឆ្នាំ​១៩៩០​ថា​ជាការ​បង្កើត​សម័យ​ទំនើប​ហើយ​អ្វីដែល​គួរ​ឲ្យ​កត់សម្គាល់​គឺ​តំណែង​ប្រធានាធិបតី​រយៈពេល​ប្រាំបី​ឆ្នាំ​ដ៏​ច្របូកច្របល់​របស់លោក Bill Clinton​។​
Anita McBride ជំនួយការ​របស់​ប្រធានាធិបតី George W. Bush ដែល​បច្ចុប្បន្ន​ជានា​យក​ប្រតិបត្តិ​នៅឯ​សាកលវិទ្យាល័យ​អាមេរិក​បាន​ប្រាប់ AFP ថា “​ការប្តឹង​ចោទប្រកាន់​លោក Bill Clinton ខណៈពេលដែល​គាត់​ស្ថិតនៅ​សេត​វិមាន​ហើយ​អ្វីដែល​អ្នក​សាធារណរដ្ឋ​បានធ្វើ​នៅពេលនោះ ខ្ញុំ​ពិតជា​គិតថា វា​បាន​បង្កើត​នូវ​វដ្ត​ដ៏​សាហាវយង់ឃ្នង​ដែល​ឥឡូវនេះ​យើង​កំពុង​ស្ថិតនៅ​”​។​
​
បន្ថែម​ទៅនឹង​ការបំពុល​ទាំងនេះ​គឺមាន​ការបោះឆ្នោត​ដ៏​ចម្រូងចម្រាស​ក្នុង​ឆ្នាំ​២០០០​របស់លោក​ប្រធានាធិបតី George W. Bush និង​ការ​លុកលុយ​នៅ​មជ្ឈិមបូព៌ា​របស់គាត់​ក្រោយ​ថ្ងៃទី​១១​ខែកញ្ញា ។ ក្រោយមក លោក Obama បានធ្វើ​ឲ្យ​មាន​ភាព​តានតឹង​ខាង​ពូជសាសន៍​។​
​សមាជិកសភា​គណបក្ស​ប្រជាធិបតេយ្យ​ម្នាក់​ត្រូវបាន​គេ​បាញ់សម្លាប់​ក្នុង​ឆ្នាំ​២០១១​។

​តើ​ត្រូវ​ស្តីបន្ទោស​លោក TRUMP ឬ​?
​សីតុណ្ហភាព​នយោបាយ​បាន​កើនឡើង​ក្នុង​រយៈពេល​បី​ឆ្នាំ​ចុង​ក្រោយនេះ​ចាប់តាំងពី​លោក TRUMP បានប្រកាស​អំពី​បេក្ខភាព​របស់គាត់​។​
​
លោក John Pitney សាស្ត្រាចារ្យ​ផ្នែក​នយោបាយ​អាមេរិក​នៅ​មហាវិទ្យាល័យ Claremont McKenna បាន​លើកឡើងថា “​លោក Trump គឺជា​អ្នកទទួលខុសត្រូវ​ច្រើន​ចំពោះ​បរិយាកាស​នាពេល​បច្ចុប្បន្ន​”​។ លោក​បាន​បន្ថែមថា មហាសេដ្ឋី​រូបនេះ​បានរស់នៅ​ក្នុង​ភាព​ខ្មៅ​ងងឹត​នៃ​បន្ទាត់​វោហា​សាស្ត្រ​។​
​ក្នុងនាម​ជា​ប្រធានាធិបតី គាត់​បាន​តស៊ូ​ប្រឆាំងនឹង​គូប្រជែង​យ៉ាងខ្លាំង​ក្លា​។​
​
គាត់​បាន​សរសើរ​អ្នកគាំទ្រ​ដែល​ប្រើ​អំពើហិង្សា​នៅក្នុង​ការប្រមូល​ផ្តុំគ្នា​, ការបរាជ័យ​ក្នុងការ​ថ្កោលទោស​យ៉ាង​ឆាប់រហ័ស​ចំពោះ​ពួក​ណា​ហ្ស៊ី​សម័យ​ទំនើប​ដែល​បានសម្លាប់​អ្នកប្រឆាំង​នៅ​ទីក្រុង Charlottesville ក្នុង​ឆ្នាំ​២០១៧​និង​ហៅ​អ្នកកាសែត​ថា​ជា “​សត្រូវ​របស់​ប្រជាជន​”​។​
​
តើ​អ្នកប្រជាធិបតេយ្យ​មិនត្រូវ​ទទួលខុសត្រូវ​ទេ​ឬ​?
​អ្នកប្រជាធិបតេយ្យ​មួយចំនួន​បាន​ជំរុញ​ឲ្យ​មាន​សកម្មភាព​ឈ្លានពាន​ប្រឆាំងនឹង​លោក Trump និង​ក្រុម​របស់គាត់​។​
​
សមាជិកសភា​រដ្ឋ​កាលី​ហ្វ័​រ​នីញ៉ា​លោក Maxine Waters បាន​ប្រាប់​ក្រុម​អ្នកគាំទ្រ​កាលពី​ខែមិថុនា​ឲ្យ​ជំរុញ​មន្ត្រី​គណៈរដ្ឋមន្ត្រី​បរិភោគ​អាហារ​ឬ​ដើរ​ផ្សារ​ជា​សាធារណៈ​។​
​
អតីត​នាយក CIA លោក John Brennan បាន​ហៅ​អាកប្បកិរិយា​របស់លោក Trump ជាមួយ​សម​ភាគី​រុស្សី​លោក Vladimir Putin នៅ​ឆ្នាំនេះ​ថា “​គ្មានអ្វី​ខុសពី​ការ​ក្បត់ជាតិ​ទេ​” ដែលជា​ហេតុ​ធ្វើ​ឲ្យ​សេត​វិ​មា​នឹង​សម្បា​។​
​
លោកស្រី Clinton បាន​បង្កើត​ភាព​តានតឹង​ក្នុង​ខែ​នេះ​នៅពេល​លោកស្រី​និយាយថា “​សេចក្តី​គោរព​អាច​ចាប់ផ្តើម​ជាថ្មី​” នៅពេល​គណបក្ស​ប្រជាធិបតេយ្យ​បាន​កាន់កាប់​ការគ្រប់គ្រង​សភា​ឡើងវិញ​៕ AFP

​ 

Source: Kampuchea Thmey Daily