រតនគិរី ៖ កម្លាំងសមត្ថកិច្ចចម្រុះ បើកប្រតិបត្តិការចុះបង្ក្រាបករណីគ្រឿងញៀនដ៏ធំមួយ នៅស្រុកតាវែង ឈានដល់ការឃាត់ខ្លួនជនសង្ស័យបានចំនួន៤នាក់ ជាមុខសញ្ញាចែកចាយ និងប្រើប្រាស់គ្រឿងញៀនយ៉ាងសកម្មនៅក្នុងស្រុកតាវែង។
ការឃាត់ខ្លួនជនសង្ស័យខាងលើនេះធ្វើឡើងនៅវេលាម៉ោង១និង៣០នាទីរសៀល ថ្ងៃទី១១ ខែធ្នូ ឆ្នាំ២០១៨កន្លងទៅ នៅចំណុចផ្ទះមុខសញ្ញាជនសង្ស័យ ស្ថិតនៅក្នុងភូមិតាវែងលើ ឃុំតាវែង ស្រុកតាវែង។
មន្ត្រីនគរបាលដែលចុះបង្ក្រាបករណីគ្រឿងញៀនបានឲ្យដឹងថា ដោយមានការបញ្ជាផ្ទាល់ពី លោកឧត្ដមសេនីយ៍ត្រី វ៉ាន់ សង្វាត់ ស្នងការរងផែនការងារប្រឆាំងបទល្មើសសេដ្ឋកិច្ចខេត្ត និងដោយមានការសម្របសម្រួលពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្ត បានចុះឆែកឆេរលំនៅដ្ឋានជនសង្ស័យ រកឃើញឈើប្រណិតមួយចំនួន និងរឹបអូសយកមកខណ្ឌរដ្ឋបាលព្រៃឈើដើម្បីចាត់ការបន្តតាមនីតិវិធី។
មន្ត្រីនគរបាលបន្តថា នៅព្រឹកថ្ងៃទី១៣ ខែធ្នូនេះ សមត្ថកិច្ចជំនាញបានថ្លឹងឈើសុក្រំចំនួន១៥សន្លឹក ស្មើនឹង៧ ផ្លាន និងឈើធ្នង់ចំនួន៩,២៥គីឡូក្រាមផងដែរ។
សូមបញ្ជាក់ថា នេះដោយសារលោកស្នងការស្នងការរងនគរបាលខេត្តបានដាក់បទបញ្ជាយ៉ាងតឹងរ៉ឹងឲ្យយកចិត្តទុកដាក់ទៅលើបទល្មើសផ្សេងៗនៅក្នុងខេត្តរតនគិរីចុះបង្ក្រាបឲ្យខានតែបាន៕
Source: Kampuchea Thmey Daily
0 Comments