បាត់ដំបង ៖ បុរសជនជាតិឥស្លាមម្នាក់ បានស្លាប់ភ្លាមៗនៅនឹងកន្លែង បន្ទាប់ពីបុរសរូបនេះ បានបើកបរម៉ូតូខ្វះការប្រុងប្រយ័ត្ន ដោយគេបានឡើងជែងគោយន្ត ហើយបានពើបប្រទះជាមួយនឹងម៉ូតូ១គ្រឿងទៀត ដែលកំពុងបោះពួយយ៉ាងលឿនមកពីមុខ។
ករណីគ្រោះថ្នាក់ចរាចរណ៍នេះដែរ បានកើតឡើង នាថ្ងៃទី១១ ខែធ្នូ ឆ្នាំ២០១៨ វេលាម៉ោង៩ព្រឹក នៅចំណុចភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង រវាងម៉ូតូម៉ាកហុងដាឌ្រីម ពណ៌ខ្មៅស៊េរី2017ពាក់ស្លាកលេខ បាត់ដំបង1AA-4679 ជាមួយម៉ូតូម៉ាកវេវ ពណ៌ក្រហម ពាក់ស្លាកលេខ បាត់ដំបង 1A-1745 ។
តាមការអះអាងពីសាក្សីបានឲ្យដឹងថា នៅមុនពេលកើតហេតុ គឺភាគីម៉ូតូវេវ ដែលបើកបរដោយឈ្មោះ ស្លេះ សាលីម ភេទប្រុស អាយុ៤៨ឆ្នាំ រស់នៅភូមិនរា២ ឃុំនរា ស្រុកសង្កែ បានបើកបរពីលិចទៅកើត លុះដល់ត្រង់ចំណុចខាងលើក៏បានឡើងជែងគោយន្ត ហើយក៏បានប៉ះជាមួយនឹងម៉ូតូឌ្រីម ដែលបើកបរដោយ ឈ្មោះ ប៉ក់ ស៊ីណា ភេទប្រុស អាយុ១៩ឆ្នាំ រស់នៅ ភូមិឈូងត្រដក់ ឃុំរកា ស្រុកសង្កែ បណ្តាលឲ្យស្លាប់ភាគីជនជាតិឥស្លាម ដោយឡែកភាគីម្ខាងទៀតបានរងរបួសយ៉ាងធ្ងន់ធ្ងរ។
បច្ចុប្បន្ន ក្រោយពេលកើតហេតុ សព ត្រូវបានប្រគល់ទៅឲ្យក្រុមគ្រួសារនាំយកទៅធ្វើបុណ្យហើយ ដោយឡែក មធ្យោបាយធ្វើដំណើរ ទាំង២គ្រឿងក៏ត្រូវបានសមត្ថកិច្ចនាំយកទៅរក្សាទុកនៅអធិការដ្ឋាន រង់ចាំដោះស្រាយជាក្រោយផងដែរ៕
Source: Kampuchea Thmey Daily
0 Comments