អាជ្ញាធរបាននិយាយកាលពីថ្ងៃចន្ទថា យ៉ាងហោចណាស់មនុស្ស ៣២ នាក់បានស្លាប់ដោយសារការរអិលបាក់ដីនៅក្នុងប្រទេសឥណ្ឌូណេស៊ីនៅថ្ងៃចូលឆ្នាំថ្មី ខណៈពួកគេបានបញ្ចប់ការស្វែងរកជនរងគ្រោះដែលបាត់អស់រយៈពេលមួយសប្តាហ៍ ។
ក្រុមអ្នកជួយសង្គ្រោះដែលបានទាញសាកសពចេញពីការហូរច្រោះល្បាប់ភក់បានធ្វើការបញ្ឈប់ការស្វែងរកមនុស្សម្នាក់ដែលនៅតែមិនទាន់បានរាប់បញ្ចូល បន្ទាប់ពីភ្លៀងធ្លាក់ខ្លាំងបានបង្កឲ្យមានការបាក់ដីស្លាប់នៅខេត្តជ្វាខាងលិច ។
មនុស្សជាច្រើនទៀតបានរងរបួសនៅក្នុងគ្រោះមហន្តរាយកាលពីថ្ងៃទី ៣១ ខែធ្នូ ។
មេប៉ូលីសខេត្តជ្វាខាងលិចលោក Agung Budi Maryoto បាននិយាយថា "ការស្វែងរកបានបញ្ចប់ដោយជោគជ័យ ។ មានតែជនរងគ្រោះម្នាក់ប៉ុណ្ណោះមិនទាន់ត្រូវបានរកឃើញនៅឡើយទេហើយគ្រួសាររបស់គេបានទទួលយកការបាត់ខ្លួន" ។
ការរអិលបាក់ដីគឺជារឿងធម្មតានៅក្នុងប្រទេសឥណ្ឌូនេស៊ីដែលជាប្រជុំកោះត្រូពិចដ៏ធំដែលងាយនឹងមានគ្រោះធម្មជាតិ និងភ្លៀងធ្លាក់ខ្លាំង ។
មនុស្សជាង ២០ នាក់បានស្លាប់នៅក្នុងខែតុលានៅពេលដែលទឹកជំនន់ និងការបាក់ដីបានវាយប្រហារខេត្តមួយចំនួននៅលើកោះស៊ូម៉ាត្រានៅភាគខាងលិចប្រទេសឥណ្ឌូនេស៊ី ។
គួររម្លឹកផងដែរថា កាលពីខែមិថុនា ឆ្នាំ ២០១៦ មនុស្សជិត ៥០ នាក់បានស្លាប់នៅពេលទឹកជំនន់ និងការបាក់ដីបានវាយប្រហារខេត្តជ្វាកណ្តាល ៕ AFP
Source: Kampuchea Thmey Daily
0 Comments