ភ្នំពេញ ៖ ស្រីស្អាតរូបស្រស់ចំនួនពីរនាក់ រួមទាំងគ្រឿងញៀន១០កញ្ចប់ ត្រូវបាននគរបាលឃាត់ខ្លួននិងដកហូតកាលពីវេលាម៉ោង៥និង៣៥នាទីល្ងាច ថ្ងៃទី២៦ ខែមករា ឆ្នាំ២០១៩ ត្រង់ចំណុច ផ្លូវជាតិលេខ៥ ក្រុមទី៧ ភូមិខ ២ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។
សមត្ថកិច្ចឲ្យដឹងថា ជាលទ្ធផលនៃការបង្ក្រាប់ករណីប្រើប្រាស់និងជួញដូរសារធាតុញៀនខុសច្បាប់នេះកម្លាំងជំនាញខណ្ឌ និង ប៉ុស្តិ៍បានធ្វើការឃាត់ខ្លួនជនសង្ស័យ២នាក់ ទី១ឈ្មោះ ព្រំ ស្រីនិច ភេទស្រីអាយុ២៤ ឆ្នាំ ស្នាក់នៅក្រុមទី៦ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។ មុខរបរមិនពិតប្រាកដ(ជួញដូរ) ទី២ ឈ្មោះ គីម ហាំង ភេទស្រីអាយុ២៦ឆ្នាំជនជាតិវៀតណាម មានទីលំនៅផ្ទះជួល ក្រុមទី៣ ភូមិស្វាយប៉ាក់ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ មុខរបរបម្រើការងារនៅខារ៉ាអូខេ (ប្រើប្រាស់) សម្ភារដកហូតមានក្រាមពណ៌សថ្លាចំនួន១០កញ្ចប់តូច-ម៉ូតូ ហុងដា ម៉ាក់ធូដេ ចំនួន០១គ្រឿង ពណ៌ផ្កាឈូកលាយ ស គ្មានស្លាកលេខ-ទូរស័ព្ទដៃចំនួន២ម៉ាកអាយ ហ្វូន ហ្វាយ ពណ៌ស១គ្រឿង និង អាយផេត ពណ៌ផ្កាឈូក១គ្រឿង។
ក្រោយឃាត់ខ្លួនស្រីស្អាតទាំង២នាក់ខាងលើ កម្លាំងជំនាញខណ្ឌបានកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕
Source: Kampuchea Thmey Daily
0 Comments