ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២៨ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១៣លើក ( យប់១០លើក ) បណ្តាលឲ្យមនុស្សស្លាប់៥នាក់ ( ប្រុស ) រងរបួសធ្ងន់១៧នាក់ ( ស្រី៧នាក់ ) និងរងរបួសស្រាល៦នាក់ ( ស្រី១នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព១៦នាក់ ( យប់១៤នាក់ )។
នៅក្នុងករណីគ្រោះថ្នាក់ចរាចរណ៍ទាំង១៣លើកនេះ បានបណ្តាលឲ្យមានការខូចខាតយានយន្តសរុប២៤គ្រឿង ក្នុងនោះមាន ម៉ូតូចំនួន១៤គ្រឿង រថយន្តធុនតូច ចំនួន៧គ្រឿង រថយន្តធុនធំ ចំនួន ២គ្រឿង គោយន្តចំនួន១គ្រឿង និងអ្នកថ្មើរជើង ចំនួន១នាក់។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៥លើក ( ស្លាប់២នាក់ ) , មិនគោរពសិទ្ធិ២លើក , មិនប្រកាន់ស្តាំ៤លើក ( ស្លាប់២នាក់ ) និងប្រជែងគ្រោះថ្នាក់២លើក ( ស្លាប់១នាក់ )។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៦លើក និងផ្លូវខេត្ត ចំនួន៧លើក។ ដោយឡែកយានយន្តដែលបង្កហេតុ រួមមាន ម៉ូតូ ចំនួន៨លើក រថយន្តធុនតូច ចំនួន៤លើក និងគោយន្ត ចំនួន ១លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកោះកុង២លើក ស្លាប់២នាក់ របួស២នាក់ ខេត្តកណ្តាល១លើក ស្លាប់១នាក់ ខេត្តព្រៃវែង១លើក ស្លាប់១នាក់ និងខេត្តព្រះសីហនុ១លើក ស្លាប់១នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល២៨ថ្ងៃ គិតចាប់ពីថ្ងៃទី១ ដល់ថ្ងៃទី២៨ ខែមករា ឆ្នាំ២០១៩ កើតឡើង២៩៧លើក បណ្តាលឲ្យមនុស្សស្លាប់១២៦នាក់ របួសសរុប ៤៦៣នាក់ ក្នុងនោះរបួសធ្ងន់៣០០នាក់ និងរងរបួសស្រាល១៦៣នាក់៕
Source: Kampuchea Thmey Daily
0 Comments