ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី៩ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន៦លើក ( យប់ ៤លើក ) បណ្តាលឲ្យមនុស្សស្លាប់ ២នាក់ ( ប្រុស ) រងរបួសធ្ងន់ ៥នាក់ ( ស្រី ១នាក់ ) និងរងរបួសស្រាល៤នាក់ ( ស្រី ២នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព ៨នាក់ ( យប់ ៥នាក់ )។
នៅក្នុងករណីគ្រោះថ្នាក់ចរាចរណ៍ទាំង៦លើកនេះ បានបណ្តាលឲ្យមានការខូចខាតយានយន្តសរុប ១៣គ្រឿង ក្នុងនោះមាន ម៉ូតូ ចំនួន៧គ្រឿង រថយន្តធុនតូច ចំនួន៤គ្រឿង និងរថយន្តធុនធំ ចំនួន២គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៣លើក ( ស្លាប់១នាក់ ) , មិនប្រកាន់ស្តាំ១លើក ( ស្លាប់១នាក់ ) , ប្រជែងគ្រោះថ្នាក់១លើក និងស្រវឹង១លើក។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៤លើក និងផ្លូវខេត្ត ចំនួន២លើក។ ដោយឡែកយានយន្តដែលបង្កហេតុ រួមមាន ម៉ូតូចំនួន៣លើក រថយន្តធុនតូចចំនួន១លើក និងរថយន្តធុនធំចំនួន២លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកំពង់ចាម៣លើក ស្លាប់ ១នាក់ របួស៥នាក់ ខេត្តមណ្ឌលគីរី ១លើក ស្លាប់ ១នាក់ ស្លាប់១នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល៩ថ្ងៃ គិតចាប់ពីថ្ងៃទី១ ដល់ថ្ងៃទី៩ ខែមករា ឆ្នាំ២០១៩ កើតឡើង១០៣លើក បណ្តាលឲ្យមនុស្សស្លាប់៤១នាក់ របួសសរុប២១១នាក់ ក្នុងនោះរបួសធ្ងន់ ១២៤នាក់ និងរងរបួសស្រាល៨៧នាក់៕
Source: Kampuchea Thmey Daily
0 Comments