បន្ទាយមានជ័យ ៖ នៅព្រឹក ថ្ងៃទី១៧ ខែ មករា ឆ្នាំ២០១៩នេះនៅនៅក្នុងប៉ុស្តិ៍នគរបាលអន្តោប្រវេសន៍ ច្រកទ្វារអន្តរជាតិប៉ោយប៉ែត ខេត្តបន្ទាយមានជ័យបានធ្វើពិធីប្រកាសតែងតាំងនេះលោកវរសេនីយ៍ទោ ខឹម ចិត្ត្រា អត្តលេខ ២០៧៥៧ នាយនគរបាលនៃអគ្គស្នងការដ្ឋាននគរបាលជាតិ ត្រូវបានប្រកាសតែងតាំងជា នាយនគរបាលប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត នាយដ្ឋានច្រកទ្វារទី១ នៃអគ្គនាយកដ្ឋានអន្តោប្រវេសន៍ ជំនួសលោកឧត្តមសេនីយ៍ទោ ស៊ឹម សំអាត អតីតមេប៉ុស្តិ៍ចាស់។
ពិធីប្រកាសតែងតាំងនេះ ក្រោមអធិបតីភាពលោកនាយឧត្តមសេនីយ៍ ឃុន សំបូរ អគ្គនាយករង និង លោកនាយឧត្តមសេនីយ៍ គៀត ច័ន្ទដារឹទ្ធ អគ្គនាយក នៃអគ្គនាយកដ្ឋានអន្តោប្រវេសន៍ ក្រៅពីនេះក៏មានការចូលរួមយ៉ាងច្រើនកុះករពីអស់លោក លោកស្រី មន្ត្រីរាជការ ភ្ញៀវជាតិ អន្តរជាតិជាច្រើននាក់។
លោកវរសេនីយ៍ទោ ខឹមចិត្ត្រា ត្រូវបានប្រកាសតែងតាំង តាមប្រកាសលេខ៧៩៦២ប្រក ចុះថ្ងៃទី២៧ ខែធ្នូ ឆ្នាំ២០១៩ ហត្ថលេខាដោយសម្តេចក្រឡាហោម ស ខេង លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ ដែលការប្រកាសនេះ ត្រូវបានធ្វើឡើង ក្រោយពីមេប៉ុស្តិ៍ចាស់បញ្ចប់តួនាទីរបស់ខ្លួនជានាយប៉ុស្តិ៍ ហើយត្រូវបានទៅបម្រើការជាអនុប្រធាននាយកដ្ឋានច្រកទ្វារទី១ នៃអគ្គនាយកដ្ឋានអន្តោប្រវេសន៍វិញ៕
Source: Kampuchea Thmey Daily
0 Comments