ភ្នំពេញ ៖ ប្រជាពលរដ្ឋរស់នៅខណ្ឌច្បារអំពៅ រាជធានីភ្នំពេញ បាននិយាយថា សព្វថ្ងៃនេះអ្នករស់នៅអមសង្ខាងផ្លូវជាតិលេខ១ ក្នុងទឹកដីខណ្ឌច្បារអំពៅ សឹងក្លាយជាសេដ្ឋីអស់ទៅហើយដោយសារតែតម្លៃដីពួកគាត់ឡើងថ្លៃសឹងកប់ពពក។
បងប្រុសចាន់ ជិន ដែលជាឈ្មួញរកស៊ីកួកជេដីបានប្រាប់កម្ពុជាថ្មីថា អ្នករស់នៅអមសង្ខាងផ្លូវជាតិលេខ១ក្នុងទឹកដី ខណ្ឌច្បារអំពៅ រាជធានីភ្នំពេញ សឹងក្លាយជាសេដ្ឋីព្រោះហាងឆេងដីរបស់ពួកគាត់ឡើងថ្លៃខ្ពស់ ដែលមិននឹកស្មានដល់។ បងប្រុសបញ្ជាក់ថា បើសិនជាចង់ទិញដី ឬ ផ្ទះនៅអមសង្ខាងផ្លូវជាតិលេខ១ម្តុំច្បារអំពៅគឺត្រូវកាន់លុយយ៉ាងតិច២លានដុល្លារ ទើបចូលទៅសួរបាន។
នេះនិយាយត្រឹមផ្ទះល្វែង។ បើដីមិនទាន់សង់ផ្ទះចាប់ពីក្បាលដីប្រវែង១០ម៉ែត្រឡើងគឺមិនក្រោមពីតម្លៃ៥លានដុល្លារឡើយ។ ហើយតម្លៃខ្ពស់ប៉ុណ្ណឹងទៅហើយក៏ម្ចាស់ដីនៅអមសង្ខាងផ្លូវជាតិលេខ១និយាយថា ពួកគាត់ដូចជាមិនចង់លក់ ព្រោះគ្រួសាររបស់គាត់មានលុយចាយទិញឡានទំនើបជិះនិងមិនខ្វះលុយចាយផងមិនដឹងលក់ធ្វើអី។
អ្នករកស៊ីទិញលក់ដីបានឲ្យដឹងដែរថា ចាប់ពីថ្ងៃនេះតទៅតម្លៃដីនិងហក់ឡើងខ្ពស់ណាស់ពិសេសតំបន់ដីអភិវឌ្ឍន៍ទីក្រុងរណបក្នុងខណ្ឌច្បារអំពៅនេះតែម្តង៕
Source: Kampuchea Thmey Daily
0 Comments