តាកែវ ៖ ជនសង្ស័យម្នាក់ ត្រូវបានសមត្ថកិច្ចខេត្តកំពត ធ្វើការចាប់ខ្លួនបាន ជាមួយនឹងសត្វគោ២ក្បាលដែលបានលួចយកមកពីខេត្តតាកែវ បម្រុងនឹងលក់ឲ្យឈ្មួញទៅហើយ។
ហេតុការណ៍ចាប់ខ្លួនជនសង្ស័យករណីលួចសត្វគោពីប្រជាពលរដ្ឋនេះ បានធ្វើឡើងដោយសមត្ថកិច្ចប៉ូលិសស្រុកអង្គជ័យ ខេត្តកំពត ខណៈដែលយកសត្វគោលួចបាននោះបម្រុងលក់ឲ្យម៉ូយទៅហើយ។
ក្រោយចាប់ខ្លួន ជនសង្ស័យបានសារភាពថា សត្វគោនេះខ្លួនបានលួចយកនៅចំណុចវាលស្រែ ស្ថិតនៅភូមិស្លែងកោង ឃុំញ៉ែងញ៉ង ស្រុកត្រាំកក់ ខេត្តតាកែវ ខណៈដែលម្ចាស់ចងទុកឲ្យស៊ីស្មៅ មិនប្រយ័ត្ន កាលពីព្រឹកថ្ងៃទី០៦ ខែមករា ឆ្នាំ២០១៩។
ជនសង្ស័យដែលសមត្ថកិច្ចចាប់ខ្លួននេះមាន ឈ្មោះ ប៊ុន វណ្ណា ភេទប្រុស អាយុ២៣ឆ្នាំ មានទីលំនៅក្នុងភូមិស្លែងកោង ឃុំញ៉ែងញ៉ង ស្រុកត្រាំកក់។
បច្ចុប្បន្ន ជនសង្ស័យ ជាមួយនឹងវត្ថុតាងសត្វគោ២ក្បាល ត្រូវបានសមត្ថកិច្ចស្រុកអង្គរជ័យ ទាក់ទងនិងប្រគល់មកឲ្យសមត្ថកិច្ចស្រុកត្រាំកក់ ខេត្តតាកែវ នៅថ្ងៃទី០៧ ខែមករា ឆ្នាំ២០១៩ ដើម្បីយកមកកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕
Source: Kampuchea Thmey Daily
0 Comments