ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី៦ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១២លើក ( យប់៧លើក ) បណ្តាលឲ្យមនុស្សស្លាប់ ៩នាក់ ( ស្រី២នាក់ ) រងរបួសធ្ងន់១៦នាក់ ( ស្រី១នាក់ ) និងរងរបួសស្រាល៧នាក់ ( ស្រី៤នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព១២នាក់ ( យប់១២នាក់ )។
នៅក្នុងករណីគ្រោះថ្នាក់ចរាចរណ៍ទាំង១២លើកនេះ បានបណ្តាលឲ្យមានការខូចខាតយានយន្តសរុប ២៤គ្រឿង ក្នុងនោះមាន ម៉ូតូ ចំនួន១០គ្រឿង រថយន្តធុនតូច ចំនួន៨គ្រឿង រថយន្តធុនធំ ចំនួន ៥គ្រឿង និងយានផ្សេងៗ ចំនួន១គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៩លើក ( ស្លាប់៨នាក់ ) , មិនប្រកាន់ស្តាំ១លើក , មិនគោរពសិទ្ធិ ១លើក ( ស្លាប់១នាក់ ) និងប្រជែងគ្រោះថ្នាក់១លើក។
គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន៥លើក ផ្លូវខេត្ត ចំនួន៦លើក និងផ្លូវលំ ចំនួន១លើក ។ ដោយឡែកយានយន្តដែលបង្កហេតុ រួមមាន ម៉ូតូ ចំនួន៣លើក រថយន្តធុនតូច ចំនួន៦លើក និងរថយន្តធុនធំ ចំនួន៣លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកំពង់ចាម១លើក ស្លាប់១នាក់ រាជធានីភ្នំពេញ៤លើក ស្លាប់៣នាក់ របួស៧នាក់ ខេត្តកំពង់ស្ពឺ២លើក ស្លាប់១នាក់ របួស៥នាក់ ខេត្តស្ទឹងត្រែង១លើក ស្លាប់១នាក់ របួស១នាក់ ខេត្តស្វាយរៀង១លើក ស្លាប់២នាក់ របួស៤នាក់ និងខេត្តពោធិ៍សាត់១លើក ស្លាប់១នាក់ របួស១នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្ដាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល៦ថ្ងៃ គិតចាប់ពីថ្ងៃទី១ ដល់ថ្ងៃទី៦ ខែមករា ឆ្នាំ២០១៩ កើតឡើង៦៩លើក បណ្តាលឲ្យមនុស្សស្លាប់២៩នាក់ របួសសរុប១៦១នាក់ ក្នុងនោះរបួសធ្ងន់៩៥នាក់ និងរងរបួសស្រាល៦៦នាក់៕
Source: Kampuchea Thmey Daily
0 Comments