ភ្នំពេញ ៖ ក្នុងឱកាសបុណ្យចូលឆ្នាំប្រពៃណីចិនខាងមុខនេះ នឹងមានប្រូម៉ូសិនពិសេស ដែលមិនធ្លាប់មានពីមុនមកជូនដល់អតិថិជនដែលទិញផ្ទះគ្រប់ប្រភេទនៅក្នុងបុរីភ្នំពេញថ្មី នឹងមានការបញ្ចុះតម្លៃពី២ភាគរយ ដល់៨ភាគរយ។ បន្ថែមពីលើនឹងទៀត ក៏មានការបញ្ចុះតម្លៃពី២.០០០ដុល្លារ ដល់១០.០០០ដុល្លារ ផងដែរ។
នៅក្នុងសន្និសីទសារព័ត៌មាន ស្តីពីការបើកគម្រោងថ្មី ដឹ ហាម៉ូនី វីល្ល ដំណាក់កាលពី២ នៅបុរីភ្នំពេញថ្មី ដែលមានទីតាំងស្ថិតនៅតាមបណ្ដោយផ្លូវលេខ៥៩៨ ឬផ្លូវលោក ជា សុផារ៉ា ចម្ងាយពីរង្វង់មូលកាំកូស៊ីធី១គីឡូម៉ែត្រ ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
អ្នកនាង ណាំ ម៉ារី ប្រធានផ្នែកលក់ រួមជាមួយនឹង លោក ជា ស៊ីមុយ ប្រធានក្រុមផ្នែកលក់ បានឲ្យដឹងបន្តថា បុរីភ្នំពេញថ្មី បានបង្កើតឡើងតាំងពីឆ្នាំ២០១២ រហូតដល់បច្ចុប្បន្ននេះ បុរីភ្នំពេញថ្មី មានចំនួន៩គម្រោង ក្នុងនោះ៧គម្រោង បានលក់អស់ និងសាងសង់រួចរាល់ជាស្ថាពរហើយ។
ដោយឡែក២គម្រោងទៀត កំពុងបើកលក់ និងដំណើរការសាងសង់ គឺគម្រោងទី៨ មាន ឈ្មោះថាបុរីភ្នំពេញថ្មី ដឹ ហាម៉ូនី វីល្ល និងទីគម្រោងទី៩ ដឹ គ្រឹស្តាល់ ផាក ចម្ងាយ១៥០ម៉ែត្រ ពីផ្លូវវេងស្រេង ស្ថិតនៅក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
អ្នកនាង ណាំ ម៉ារី បានបញ្ជាក់ឲ្យដឹងថា បុរីភ្នំពេញថ្មី ដំណាក់កាលទី១ លក់បាន៩៥ភាគរយ ដំណាក់កាលទី២ លក់បាន៨៥ភាគរយ។ ពី១គម្រោង ទៅ១គម្រោង ចំណុចពិសេសរបស់បុរីភ្នំពេញថ្មីតែងតែអភិវឌ្ឍន៍ខ្លួន និងការរចនាម៉ូតបន្ថែម។ បុរីភ្នំពេញថ្មី មានទីតាំង ស្ថិតនៅតំបន់ប្រជុំជន តាមដងផ្លូវធំទូលាយក្នុងបុរីអបទៅដោយដើមឈើ មានសួនកម្សាន្ត ក្លឹបហាត់ប្រាណ និងអាងហែលទឹកជាដើម ដើម្បីផ្តល់ផាសុកភាព ដ៏សំបូរបែបសម្រាប់អ្នកដែលរស់នៅក្នុងបុរី។
បុរីភ្នំពេញថ្មី ដឹ ហាម៉ូនី វីល្ល ចាប់ផ្តើមបើកលក់រួមមានប្រភេទផ្ទះវិឡាភ្លោះ វិឡាទោល វិឡាកូនកាត់ និងប្រភេទផ្ទះល្វែងដែលអាចប្រកបអាជីវកម្មបាន ដែលមានផ្ទះសរុបចំនួន៣៤២យូនីត និងមានតម្លៃចាប់ពី១៦ម៉ឺនដុល្លារឡើងទៅ។ រីឯការប្រូម៉ូសិនពិសេសក្នុងឱកាសនេះ នឹងមានការបញ្ចុះតម្លៃចាប់ពីថ្ងៃនេះ រហូតដល់ផុតចូលឆ្នាំចិនខាងមុខ។
អ្នកនាង ណាំ ម៉ារី បានបង្ហើបឲ្យដឹងបន្ថែមថា ក្នុងខែមីនា ឆ្នាំ២០១៩ ខាងមុខនេះ បុរីភ្នំពេញថ្មី ក៏នឹងមានបើកគម្រោងថ្មីទី១០បន្ថែមទៀត នៅក្នុងខណ្ឌពោធិ៍សែនជ័យ រាជធានីភ្នំពេញ៕
Source: Kampuchea Thmey Daily
0 Comments