សៀមរាប ៖ លោកប្តីក្លាហានស្រវឹងស្រាហ៊ានដុតផ្ទះខ្លួនឯងរហូតឆេះអស់ទាំងស្រុង ត្រូវបានកម្លាំងនគរបាលឃាត់ខ្លួន។ ប៉ុន្តែសំណាងណាស់ប្រពន្ធចិត្តធម៌ បានសុំអង្វរសមត្ថកិច្ចឲ្យដោះលែងប្តីមកវិញ។
ហេតុការណ៍នេះកើតឡើង នៅវេលាម៉ោង១៦និង៣០នាទី ថ្ងៃទី១៩ខែមករា ឆ្នាំ២០១៩ នៅចំណុចភូមិ ចំណុចភូមិតាស្នែ ឃុំដូនកែវ ស្រុកពួក ខេត្តសៀមរាប។
អាជ្ញាធរមូលដ្ឋានបានឲ្យដឹងថា មានករណី បង្កអគ្គិភ័យ(ដុតផ្ទះខ្លួនឯង) បង្កឡើងដោយឈ្មោះ ស៊ិន នុយ ភេទប្រុស អាយុ៣៥ឆ្នាំ មុខរបរធ្វើស្រែ មានប្រពន្ធ ឈ្មោះកែវ ឡុក ភេទស្រី អាយុ២៩ឆ្នាំ រស់នៅភូមិឃុំកើតហេតុខាងលើ មុខរបរធ្វើស្រែ។
ប្រភពបន្តថា ករណីនេះបណ្ដាលឲ្យឆេះផ្ទះទំហំ ៥x៧ម៉ែត្រ ដំបូលស័ង្កសី ជញ្ជាំងស្លឹក ខូចខាតទាំងស្រុង និងសម្ភារៈប្រើប្រាស់មួយចំនួន។ ប្រភពបន្តថា មូលហេតុមកពី ឈ្មោះ ស៊ិន នុយ (ស្រវឹងស្រា) ហើយដុតផ្ទះខ្លួនឯង។
ជនបង្កត្រូវបាននគរបាលហៅមកធ្វើកិច្ចសន្យា បញ្ឈប់ព្រោះដោយមានការអង្វរពី ភាគីប្រពន្ធ។ សមត្ថកិច្ចបញ្ជាក់ថា ក្នុងហេតុការណ៍នេះមិនមាននរណាម្នាក់រងរបួសនោះទេ ហើយកម្លាំងសមត្ថកិច្ចប្រឹងជួយពន្លត់ដែរតែជួយមិនទាន់ ព្រោះផ្ទះស្លឹកឆេះលឿនពេក។ នៅគ្រានោះសមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋានខេត្តសៀមរាប អស់១ឡានផងដែរ៕
Source: Kampuchea Thmey Daily
0 Comments