ឧត្តរមានជ័យ ៖ មានករណីគ្រោះថ្នាក់ចរាចរណ៍មួយ កើតឡើង នៅចំណុចស្ពានអូរជីក ស្ថិតនៅក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ កាលពីវេលាម៉ោង២៣និង៥៣នាទីយប់ ថ្ងៃទី២៨ ខែមករា ឆ្នាំ២០១៩ ដោយបុរសម្នាក់ បានជិះម៉ូតូធ្លាក់ពីលើស្ពានអូរជីក បណ្តាលឲ្យស្លាប់ភ្លាមៗ នៅកន្លែងកើតហេតុ។
សមត្ថកិច្ចបានឲ្យដឹងថា ជនរងគ្រោះមិនស្គាល់អត្តសញ្ញាណ បាន បើកម៉ូតូធុនវ៉េវ ពណ៌ទឹកប្រាក់លាយខ្មៅ គ្មានស្លាកលេខ ធ្លាក់ស្ពានអូរជីកបោកក្បាលទៅនឹងដុំថ្ម បណ្តាលឲ្យស្លាប់ភ្លាមៗនៅនឹងកន្លែងកើតហេតុ។
សមត្ថកិច្ចបានឲ្យដឹងទៀតថា បច្ចុប្បន្ន សាកសពជនរងគ្រោះ យកទៅទុកនៅវត្តអន្លង់វែង រង់ចាំរកសាច់ញាតិមកទទួលយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments