ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី៨ ខែមករា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ចំនួន១២លើក ( យប់៩លើក ) បណ្តាលឲ្យមនុស្សស្លាប់ ៥នាក់ ( ស្រី ២នាក់ ) រងរបួសធ្ងន់ ១២នាក់ ( ប្រុស ) និងរងរបួសស្រាល៨នាក់ ( ស្រី៥នាក់ ) ក្នុងនោះគ្រោះថ្នាក់ចរាចរណ៍ ដោយមិនបានពាក់មួកសុវត្ថិភាព១១នាក់ ( យប់១១នាក់ )។
នៅក្នុងករណីគ្រោះថ្នាក់ចរាចរណ៍ទាំង១២លើកនេះ បានបណ្តាលឲ្យមានការខូចខាតយានយន្តសរុប២២គ្រឿង ក្នុងនោះមាន ម៉ូតូចំនួន៩គ្រឿង រថយន្តធុនតូចចំនួន៦គ្រឿង រថយន្តធុនធំ ចំនួន៤គ្រឿង និងយានផ្សេងៗ ចំនួន៣គ្រឿង។
របាយការណ៍ខាងលើប្រាប់បន្តថា មូលហេតុ ដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្មើសល្បឿន៦លើក ( ស្លាប់៣នាក់ ) , មិនប្រកាន់ស្តាំ១លើក ( ស្លាប់១នាក់ ) , មិនគោរពសិទ្ធិ៣លើក , ប្រជែងគ្រោះថ្នាក់១លើក ( ស្លាប់១នាក់ ) និងបត់គ្រោះថ្នាក់១លើក ។
គ្រោះថ្នាក់នៅលើដងផ្លូវរួមមាន ផ្លូវជាតិចំនួន៥លើក និងផ្លូវខេត្តចំនួន៧លើក។ ដោយឡែកយានយន្តដែលបង្កហេតុ រួមមាន ម៉ូតូចំនួន២លើក រថយន្តធុនតូច ចំនួន៣លើក រថយន្តធុនធំចំនួន៤លើក និងយានផ្សេងៗ ចំនួន៣លើក។ រាជធានី ខេត្ត ដែលមានគ្រោះថ្នាក់ និងរងគ្រោះថ្នាក់ រួមមាន រាជធានីភ្នំពេញ៥លើក ស្លាប់១នាក់ របួស១៤នាក់ ខេត្តកំពង់ស្ពឺ២លើក ស្លាប់១នាក់ របួស២នាក់ ខេត្តបន្ទាយមានជ័យ១លើក ស្លាប់១នាក់ ខេត្តស្វាយរៀង១លើក ស្លាប់១នាក់ និងខេត្តកណ្តាល១លើក ស្លាប់១នាក់ របួស១នាក់។
យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា គ្រោះថ្នាក់ចរាចរណ៍ រយៈពេល៨ថ្ងៃ គិតចាប់ពីថ្ងៃទី១ ដល់ថ្ងៃទី៨ ខែមករា ឆ្នាំ២០១៩ កើតឡើង៩៧លើក បណ្តាលឲ្យមនុស្សស្លាប់៣៩នាក់ របួសសរុប២០២នាក់ ក្នុងនោះរបួសធ្ងន់១១៩នាក់ និងរងរបួសស្រាល៨៣នាក់៕
Source: Kampuchea Thmey Daily
0 Comments