ភ្នំពេញ ៖ កូនស្រីពៅ ម្ចាស់ហាងលក់ត្បូង សៀកលីម មានទីតាំង ស្ថិតនៅក្នុងសង្កាត់ទួលទំពូងទី០១ ខណ្ឌចំការមន រាជធានីភ្នំពេញ ត្រូវបានក្រុមគ្រួសារប្រទះឃើញ ចង.ក ស្លាប់ សង្ស័យ មានវិបត្តិ ដោះស្រាយមិនចេញ។ ហេតុការណ៍នេះ បង្កឲ្យមានការភ្ញាក់ផ្អើលទាំងព្រឹកព្រលឹម កាលពីម៉ោង ០៨និង២០នាទី នៅថ្ងៃទី១០ ខែមករា ឆ្នាំ២០១៩។
សមត្ថកិច្ចបានឲ្យដឹងថា នារីរងគ្រោះ មានឈ្មោះ រ័ត្ន ឆវី ភេទស្រី អាយុ២៧ឆ្នាំ នៅលីវ មុខរបរលក់ដូរ មានទីលំនៅផ្ទះលេខ១៣៨ ផ្លូវលេខ៤៥០ សង្កាត់ទួលទំពូង១ ខណ្ឌចំការមន ជាកូនស្រីពៅរបស់ថៅកែហាងលក់ត្បូង “សៀក លីម”។
ប្រភពពីសាច់ញាតិក្រុមគ្រួសារជនរងគ្រោះបានឲ្យដឹងថា មុនពេលកើតហេតុ គឺកាលពីព្រលប់ម៉ោងប្រហែល១០យប់ ថ្ងៃទី០៩ ខែមករា ឆ្នាំ២០១៩ ជនរងគ្រោះបានធ្វើដំណើរទៅចូលរួម ពិធីបុណ្យ សព លោកតាគាត់ដែលទើបនឹងស្លាប់នៅឯម្តុំបែកចាន ស្រុកអង្គស្នួល ខេត្តកណ្តាល លុះម៉ោង ០៣ ទៀបភ្លឺ ឈានចូលថ្ងៃទី១០ ខែមករា ឆ្នាំ២០១៩ រ័ត្ន ឆវី (ជនរងគ្រោះ) ក៏បានត្រឡប់មកផ្ទះទួលទំពូង ទីតាំងកើតហេតុខាងលើវិញជាធម្មតា។ លុះព្រឹក ឡើង វេលាម៉ោង៧ សមាជិកដែលមានប្រមាណជា០៣នាក់ នៅក្នុងផ្ទះនោះ បានប្រទះឃើញ រ័ត្ន ឆវី (ជនរងគ្រោះ) បានចង.ក សម្លាប់ខ្លួននឹងបង្កាន់ដៃជណ្ដើរស្លាប់បាត់បង់ជីវិតទៅហើយ ទើបរាយការណ៍ជូនទៅអាជ្ញាធរសមត្ថកិច្ចតែម្តង។
ករណី នេះ អាជ្ញាធរសមត្ថកិច្ចនគរបាលជំនាញកោសល្យវិច័យរបស់រាជធានីភ្នំពេញ មិនទាន់បញ្ជាក់ឲ្យច្បាស់ថា ករណីនេះពិតជាធ្វើអត្តឃាតចង.កស្លាប់ខ្លួនឯង ឬជាករណីអ្វីផ្សេងនៅឡើយទេ។
ចំណែកក្រុមគ្រួសារ នៃសពក៏មិនទាន់បញ្ជាក់ពីមូលហេតុ នៃការស្លាប់របស់ រ័ត្ន ឆវី (ជនរងគ្រោះ) បាននៅឡើយទេ។ ក្រោយពេលកើតហេតុ សមត្ថកិច្ចជំនាញខាងកោសល្យវិច័យបានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments