បន្ទាយមានជ័យ ៖ ព្រឹក ថ្ងៃទី៩ ខែមករា ឆ្នាំ២០១៩នេះលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតតំណាងឲ្យលោកឧត្តមសេនីយ៌ត្រីបោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានដឹកនាំកម្លាំងកងរាជអាវុធហត្ថក្រុងប៉ោយប៉ែតជាច្រើននាក់នាំយកអំណោយមនុស្សធម៌ទៅចែកជូនគ្រួសារក្រីក្រខ្វះខាតចំនួន៥គ្រួសារ ដែល៤គ្រួសារជាជនចាស់ជរាគ្មានទីពឹងហើយមានជំងឺនិង១គ្រួសារទៀត ជាជនពិការ រស់នៅក្នុងព្រៃ ដាច់ស្រយាលដើម្បីចូលរួមចំណែកនៅថ្ងៃបុណ្យ៧មករារៀបចំនៅថ្ងៃខាងមុខអំណោយរួមមាន អង្ករចំនួន៥បេ ១បេមានចំនួន៥០គីឡូក្រាមទឹកត្រីចំនួន៥យួរ ទឹកស៊ីអ៊ីវចំនួន៥យួរ អំបិលចំនួន៥ថង់ស្ករសចំនួន៥ថង់ រួមនឹងថវិកាចំនួន៥០ម៉ឺនរៀលផងដែរ ដោយក្នុង ១គ្រួសារៗ ទទួលបានអង្ករ១បេ ៥០គីឡូក្រាមទឹកត្រី១យួរ ទឹកស៊ីអ៊ីវ១យួរ អំបិល១ថង់ ស្ករស១ថង់និងថវិកា១០ម៉ឺនរៀល ជួយ៥គ្រួសារនេះជារៀងរាល់ខែទៀតផង។
លោកវរសេនីយ៍ត្រី នួន នីណារ៉ូ បានមានប្រសាសន៍ថា នៅថ្ងៃទី១២ ខែមករា ខាងមុខនេះគឺជាថ្ងៃបុណ្យ៧មករាលោកបានយកអំណោយរបស់អង្គភាពអាអាវុធហត្ថទៅចែកជូនដល់គ្រួសារក្រីក្រខ្វះខាតចំនួន៥គ្រួសារ ដែល៤គ្រួសារជាជនចាស់ជរា ហើយមានជំងឺនិង១គ្រួសារទៀត ជាជនពិការអំណោយនេះ សម្រាប់ជាមនុស្សធម៌លោកវរសេនីយ៍ត្រី នួន នីណារ៉ូបានមានប្រសាសន៍បន្តទៀតថា បងប្អូនប្រជាពលរដ្ឋដែលបានទទួលអំណោយសប្បុរសធម៌ពីអាវុធហត្ថហើយលោកបានធ្វើការផ្តាំផ្ញើ ធ្វើយ៉ាងណាត្រូវចេះថែទាំសុខភាពរបស់ខ្លួន ឲ្យបានល្អ ជាពិសេសរស់នៅប្រកបដោយអនាម័យ ហូបស្អាត ផឹកស្អាត និងជៀសឲ្យឆ្ងាយពីគ្រឿងញៀន។ ចុងក្រោយ គ្រួសារទុរគតជនទាំង៥គ្រួសារនេះ បានលើកម្រាមដៃដប់សូមបួងសួងដល់វត្ថុសក្តិសិទ្ធិក្នុងលោក សូមជួយបីបាច់និងថែរក្សាដល់ថ្នាក់ដឹកនាំអាវុធហត្ថទាំងអស់ឲ្យជួបប្រទះនិងតែសេចក្តីសុខ សត្រូវមកពីមុខសូមឲ្យរំលង សត្រូវមកពីក្រោយខ្នងឲ្យរលាយ និងសត្រូវឆ្ងាយឲ្យវិនាសបាត់ទៅ។
ក្នុងនោះ ក៏បានជូនពរដល់អាវុធហត្ថក្រោមឱវាទទាំងអស់ដែលបានជួយដល់ការងារសង្គម និងការពារសន្តិសុខដល់ប្រជាពលរដ្ឋដោយ មិនគិតពីការនឿយហត់ ដើម្បីប្រជាពលរដ្ឋក្នុងតំបន់មានសុវត្ថិភាពសូមឲ្យលោក ទាំងអស់មានសេចក្តីសុខក្នុងក្រុមគ្រួសារ និងមានសុខភាពល្អគ្រប់ៗគ្នាផងដែរ៕
Source: Kampuchea Thmey Daily
0 Comments