ភ្នំពេញ ៖ នៅម៉ោង ៨និង៣០នាទីព្រឹកថ្ងៃទី១៨ ខែកុម្ភៈ ឆ្នាំ២០១៩ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានអញ្ជើញ ជាអធិបតីភាពក្នុងកិច្ចប្រជុំបូកសរុបលទ្ធផលការងារឆ្នាំ ២០១៨ និង លើកទិសដៅការងារសម្រាប់ឆ្នាំ ២០១៩ របស់ «ក្រុមប្រឹក្សាជាតិកម្ពុជាដើម្បីស្ត្រី» ដែលធ្វើឡើងនៅវិមានសន្តិភាព។
ក្រុមប្រឹក្សាជាតិកម្ពុជាដើម្បីស្ត្រី មានព្រះមហាក្សត្រី នរោត្តម មុនិនាថ សីហនុ ជាព្រះប្រធានកិត្តិយសនិងមានសម្តេចតេជោ ហ៊ុន សែនជាអនុប្រធាន កិត្តិយស។ ចាប់តាំងពីឆ្នាំ ២០០៦ មកថ្នាក់ដឹកនាំនៃក្រុមប្រឹក្សាជាតិកម្ពុជាដើម្បីស្ត្រី ដែលមានលោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារីជា ប្រធាន តែងតែបើកកិច្ចប្រជុំជាទៀងទាត់រៀងរាល់មួយឆ្នាំម្តង ក្រោមអធិបតីភាពសម្តេចតេជោ ហ៊ុន សែន។
កិច្ចប្រជុំធ្វើឡើងដើម្បីតាមដាននិងត្រួតពិនិត្យរាល់សកម្មភាពការងារនិងការអនុវត្តរាល់អនុសាសន៍លើការងារមួយចំនួនរបស់«ក្រុមប្រឹក្សាជាតិកម្ពុជាដើម្បីស្ត្រី »ក្នុងការចូលរួមចំណែកជាមួយរាជរដ្ឋាភិបាលដើម្បីលើកកម្ពស់សិទ្ធិសេរីភាពឋានៈតួនាទីពិសេសការចូលរួមដោះស្រាយរាល់ការងារជាអាទិភាព នានារបស់ស្ត្រី៕
Source: Kampuchea Thmey Daily
0 Comments